අයිෆෝන් 12 දුරකතනය අලෙවිය නවත්වන ලෙස ප්‍රංශය නියෝග නිකුත් කර තිබේ.
නියමිත ප්‍රමාණය ඉක්මවා විද්‍යුත් චුම්භක විකිරණ විමෝචනය කිරීම හේතුකොට ගෙන මෙම නියෝගය නිකුත් කර ඇත.
එමෙන්ම පවතින ජංගම දුරකතන නිවැරදි කරන ලෙසද ඔවුන් නියෝග කර ඇති බව විදෙස් මාධ්‍ය වාර්තා කරයි.
මේ සම්බන්ධයෙන් ප්‍රංශයේ ගුවන්විදුලි සංඛ්‍යාත නියාමනය කරන ඒජන්සිය වන ANFR පැවසුවේ මෙම ආකෘතිය අවසර දී ඇති ප්‍රමාණයට වඩා ශරීරයට අවශෝෂණය වීමට ඉඩ ඇති විද්‍යුත් චුම්භක තරංග වැඩි ප්‍රමාණයක් විමෝචනය කරන බව පරීක්ෂණයෙන් සොයා ගත් බවයි.
ශරීරය විසින් විද්‍යුත් චුම්භක අවශෝෂණය සඳහා මාදිලිය සීමාව ඉක්මවා යාම හේතුවෙන් සැප්තැම්බර් 12 සිට ප්‍රංශ වෙළඳපොලෙන් අයිෆෝන් 12 ඉවත් කිරීමට ඇපල් සමාගමට නියෝග කළ බවත් ANFR පවසා තිබේ.
