මසක කාලයක් ගතවීමට පෙර රට තුළ සිදුවන පාතාල ක්‍රියාකාරකම් පාලනය කිරීමට පියවර නොගතහොත් මහජන ආරක්ෂක අමාත්‍ය ටිරාන් අලස් මහතාටද එරෙහිව විශ්වාසභංග යෝජනාවක් ගෙන ඒමට බලාපොරොත්තු වන බව ශ්‍රී ලංකා පොදුජන පෙරමුණ පාර්ලිමේන්තු මන්ත්‍රී – ලලිත් එල්ලාවල මහතා පවසයි.
ජනතාවගේ ආරක්ෂාව තහවුරු කිරීමට නීතිය හා සාමය භාර අමාත්‍යවරයාට හැකියාවක් නොමැති නම් ඔහු තනතුරෙහි රැඳී සිටීමෙන් ඵලක් නොවන බව ඔහු කියා සිටියි.
“රටේ මනුස්සයෙකුට පාරට බැහැලා යන්න බයයි, කොයි වෙලේ, කොයි මොහොතේ කොයි තැන මැරෙන්න වෙයි ද දන්නේ නැති නිසා. ටිරාන් අලස්ට පැහැලිව කියනවා මාසයක් යන්න කලින් ඔබතුමාගේ නායකත්වය පාවිච්චි කරලා අනිවාර්යයෙන්ම මිනිස්සුන්ට පාරේ බැහැලා යන්න පුළුවන් විශ්වාසනීය තැනකට රට ගේන්න ඕනේ. එහෙම බැරිනම් ඉල්ලා අස්වෙන්න ඕනේ. ඉල්ලා අස්වුණේ නැත්නම් අපි මේ වෙනකොටත් පසුවෙල මන්ත්‍රීවරු, පක්ෂ විපක්ෂ සියලුදෙනා සාකච්ඡා කරගෙන යනවා අනිවාර්යයෙන්ම විශ්වාසභංගයක් ගෙනල්ලා තනතුරෙන් අයින් කරනවා,” යැයි මන්ත්‍රීවරයා පවසා ඇත.
කෙසේවෙතත්, පසුගියදා මාධ්‍ය හමුවකදී මහජන ආරක්ෂක අමාත්‍ය ටිරාන් අලස් මහතා පවසා තිබුණේ ජනාධිපතිවරයාගේ උපදෙස් මත පාතාල ක්‍රියාකාරකම් මර්දනයට අවශ්‍ය වැඩපිළිවෙළ දැනමටමත් ක්‍රියාත්මක කර ඇති බවයි.
සබැඳි පුවත් :
පාතාලය මර්දනයට වැඩපිළිවෙලක් ක්‍රියාත්මකයි – ටිරාන්
