හිඟ විදුලි බිල්පත් ගෙවීම පැහැර හැරීම හේතුවෙන් මාතර කලාපයේ පාසල් 22ක පමණ විදුලි සැපයුම ඊයේ (19) සිට තාවකාලිකව විසන්ධි කොට ඇති බව ලංකා ගුරු සේවා සංගමයේ ප්‍රධාන ලේකම් ජෝසප් ස්ටාලින් මහතා කියයි.
අදාළ හිඟ විදුලි බිල්පත් සඳහා ලක්ෂ විසිපහක් පමණ මුදලක් ගෙවීමට ඇති බවත්, හිඟ බිල්පත් ගෙවීමට කලාප අධ්‍යාපන කාර්යාලයට මුදල් නොමැති වීම නිසා මෙම තත්ත්වය උදාවී ඇති බව හෙතෙම පැවසීය.
මෙය සම්පූර්ණයෙන්ම කුමන්ත්‍රණයක් බවත් එමඟින් බලාපොරොත්තු වන්නේ දරුවන්ගේ දෙමව්පියන් ලවා විදුලි බිල්පත් ගෙවා දැමීමට බවත් මේ සම්බන්ධයෙන් වහාම ක්‍රියාමාර්ගයක් ගත යුතු බවත් ජෝසප් ස්ටාලින් මහතා පවසයි.
වැඩිදුරටත් අදහස් දැක්වූ ඒ මහතා;
“කණගාටුවට කරුණ තමයි මේ විදුලිය කපන අමාත්‍ය කාංචන විජේසේකර ඉන්නෙත් මාතර එයාගේ බල ප්‍රදේශය තමයි විදුලිය විසන්ධි කරලා තියෙන්නේ. මාතර කොටුව ජනාධිපති විද්‍යාලය, උයන්වත්ත ආදර්ශ විද්‍යාලය ,මහමායා බාලිකා විද්‍යාලය, ඇතුළු විද්‍යාලවල මේ වන විට වර්ෂ අවසානයේ නොයෙකුත් උත්සව සහ සංස්කෘතික සංදර්ශන ඇතුළු නොයෙකුත් වැඩසටහන් පැවැත්වෙනවා. එම කටයුතු මේ වන විට අඩාල වෙලා .දැනට රටේ ජනතාවගේ ලක්ෂ හතකගේ විදුලිය විසන්ධි කරලා .පාසල් වලට අත තියලා තියෙන්නේ කුමන්ත්‍රණකාරීව රජයේ වගකීමක් බිල්පත් ගෙවීම රජය බිල්පත් ගෙව්වෙ නැත්නම් රජයෙන් ඉල්ල ගන්නවා මිසක පාසලේ විදුලිය විසන්ධි කරලා හරියනවද? මේ සම්බන්ධයෙන් පිළියමක් නොදුන්නොත් වෘත්තිය ක්‍රියාමාර්ගයක් ගන්න සැරසෙනවා”
