බූස්ස බන්ධනාගාරය තුළ සිදුකළ සෝදිසි මෙහෙයුමක දී අයිස් මත්ද්‍රව්‍ය සහ දුරකතන දෙකක් ඇතුලු උපාංග කිහිපයක් සොයා ගත් බව පොලිස් විශේෂ කාර්ය බලකාය පවසයි.
බූස්ස කඳවුරේ නිලධාරීන්ට ලැබුණු තොරතුරක් මතයි මෙම වැටලීම සිදු කර තිබුණි.
එහිදී බන්ධනාගාරයේ සඟවා තිබු අයිස් මත්ද්‍රව්‍ය ග්‍රෑම් 4යි මිලි ග්‍රෑම් 300ක් , ජංගම දුරකතනයක් සහ පුවත්පතක් තුළ සූක්ෂමව සඟවා ගෙන බන්ධනාගාරය තුළට රැගෙන යමින් සිටි දුරකතනයක් ද සොයා ගත් බව වාර්තා වේ.
වැටලීමෙන් සොයා ගත් භාණ්ඩ තොගය විමර්ශන කටයුතු සඳහා බන්ධනාගාර පාලන අධිකාරිය වෙත භාරදී තිබේ.
