කිරිබත්ගොඩ ප්‍රදේශයේ රජයට අයත් ඉඩමක් ව්‍යාජ ඔප්පු සකස් කර අලෙවි කිරීමේ සිද්ධියට අත්අඩංගුවට ගත් හිටපු අමාත්‍ය මර්වින් සිල්වා ලබන 03 වැනිදා දක්වා රක්ෂිත බන්ධනාගාර ගත කරන ලදී.
ඒ මේ සම්බන්ධයෙන් වන නඩුව අද (24) මහර මහෙස්ත්‍රාත් අධිකරණය හමුවේ කැඳවූ අවස්ථාවේදීය.
එමෙන්ම මෙම සිද්ධියට අදාළව තවත් සැකකරුවන් දෙදෙනෙක් ද අපරාධ පරීක්ෂණ දෙපාර්තමේන්තු නිලධාරින් විසින් අත්අඩංගුවට ගත් බව සඳහන්ය.
ඒ අනුව ඔවුන්ද ලබන 03 වැනිදා දක්වා රක්ෂිත බන්ධනාගාර ගත කිරීමට අධිකරණය විසින් නියෝග කරන ලදී
