පුවත්
මේක අපේ ආණ්ඩුවක්ද කියල අපිටත් සැකයි – බැසිල්
මේ වනවිට ජනාධිපති රනිල් වික්‍රමසිංහ මහතා සමග තීව්‍ර බල අරගලයක යෙදී සිටින රාජපක්ෂ පවුල වෙනුවෙන් බැසිල් රාජපක්ෂ මහතා වෙනස්ම ආකාරයක ප්‍රකාශයක් කරමින් “අපිට තියෙන්නේ එළදෙනගේ ඉස්සරහ කෑල්ල විතරයි. පස්සා කෑල්ල තියෙන්නේ වෙන තැනක” යනුවෙන් කියා සිටී.
සිරස රූපවාහිනිය සමග විශේෂ සාකච්ඡාවකට එක්වෙමින් ඔහු මේ බව ප්‍රකාශ කර තිබේ.
එසේම මේක අපේ ආණ්ඩුවක් ද කියලත් සැකයක් ඇතැයි ද කියා ඒ මහතා කියා සිටී.
ඔහු තවදුරටත් අවධාරණය කර තිබෙන්නේ රනිල් වික්‍රමසිංහ ප්‍රමුඛ ආණ්ඩුව ගෙනයන ක්‍රියාමාර්ග සම්බන්ධයෙන් තමන්ගේ වගකීමක් නොමැති බවය.
