පුවත්
රාජ්ය අමාත්ය සනත් නිශාන්ත රිය අනතුරකින් මරු දකියි!
කටුනායක අධිවේගී මාර්ගයේ 11 වැනි කිලෝමීටර් කණුව අසළදී අද (25) අලුයම සිදු වූ රිය අනතුරකින් රාජ්ය අමාත්ය සනත් නිශාන්ත මහතා සහ ඔහුගේ ආරක්ෂක නිලධාරියා මියගොස් තිබේ.
අනතුරින් රථයේ රියැදුරු තුවාල ලබා රාගම රෝහලට ඇතුළත් කර ඇති බව පොලිසිය කියා සිටී.
කටුනායක සිට කොළඹ දෙසට ධාවනය වෙමින් තිබූ සනත් නිශාන්ත මහතා රැගත් ජීප් රථය එම දෙසටම ඉදිරියෙන් ධාවනය වූ කන්ටේනර් රථයක ගැටී අනතුරුව මාර්ගයේ ආරක්ෂක වැටේ ගැටී අනතුර සිදුව තිබේ.
අනතුරින් රාජ්ය අමාත්යවරයා, ඔහුගේ ආරක්ෂක නිලධාරියා සහ එම රථයේ රියැදුරා බරපතළ තුවාල ලබා රාගම රෝහලට ඇතුළු කිරීමෙන් අනතුරුව රාජ්ය අමාත්යවරයා සහ ඔහුගේ ආරක්ෂක නිලධාරියා මිය ගොස් ඇත.
