මත්ද්‍රව්‍ය ජාවාරම්කරුවෙකු ලෙස සැලකෙන සුදත් කිත්සිරි නොහොත් ‘‘වැලිවිට සුද්දා‘‘ නැමැති තැනැත්තා කඩුවෙල පොලිසිය මගින් අත්අඩංගුවට ගෙන තිබේ.
මාලබේ වැලිවිට ප්‍රදේශයේ සිදුකළ වැටලීමක් අතරතුර හෙරොයින් ග්‍රෑම් 15 යි මිලිග්‍රෑම් 300ක් සමග සැකකරුව අත්අඩංගුවට ගත් බව පොලීසිය සඳහන් කරයි.
ඔහු අයිස් මත්ද්‍රව්‍ය ළඟ තබා ගැනීම සම්බන්ධයෙන් මීට පෙර අත්අඩංගුවට පත්ව ඇප මත නිදහස්ව සිටි අයෙකු වන අතර, ඔහු සම්බන්ධයෙන් නීතිවිරෝධී වත්කම් හා විමර්ශන කොට්ඨාසය මගින් විමර්ශන ආරම්භ කර තිබුණි.
මේ අතරතුර, කඩුවෙල පොලිස් ස්ථානයට ලද තොරතුරක් මත සැකකරු විසින් නීතිවිරෝධීව උපයාගත් දේපොළ බවට සැකකෙරෙන බස්රථ 05ක්, මෝටර් රථයක් සහ යතුරු පැදියක් පොලිස් භාරයට ගෙන ඇති බවද පොලිසිය පවසයි. මෙම දේපොළ සැකකරු විසින් ඔහුගේ ඥාති සහෝදරියකගේ නමින් ලබාගෙන ඇති බවට විමර්ශන වල දී අනාවරණය වී තිබේ.
