2025 වසරේදී ඔස්ට්‍රේලියාවේ විශ්වවිද්‍යාල සඳහා බඳවා ගන්නා විදේශීය සිසුන් ප්‍රමාණය තවදුරටත් අඩු කිරීමට එරට රජය කටයුතු කර තිබේ.
ඒ අනුව, ලබන වසරේ සිට වසරේදී එරට විශ්වවිද්‍යාල සඳහා බඳවා ගන්නා විදේශීය සිසුන් ගණන 270,000කට සීමා කිරීමට පියවර ගෙන ඇති බව විදෙස් මාධ්‍ය වාර්තා කරයි.
ඕස්ට්‍රේලියානු රජය මෙම තීරණය ගෙන ඇත්තේ අධ්‍යාපනය ලැබීම සඳහා පමණක් සිසුන් පැමිණෙතැයි අපේක්ෂා කරන උසස් අධ්‍යාපන ආයතන (low risk institutions) සඳහා ඉල්ලුම් කරන සිසුන් වෙත ප්‍රමුඛත්වය ලබා දෙන නීතියක් අවලංගු කරමිනි.
මෙම නව ප්‍රතිසංස්කරණ අනුව, පෞද්ගලික විශ්ව විද්‍යාල සහ විශ්ව විද්‍යාල නොවන උසස් අධ්‍යාපන සපයන ආයතනවලට 2025 වසරේදී නව විදෙස් සිසුන් 30,000 ක් දක්වා බඳවා ගත හැකි අතර වෘත්තීය අධ්‍යාපන ආයතන සහ පුහුණුව සපයන ආයතන සඳහා බඳවා ගත හැකි සංඛ්‍යාව 95,000 කට සීමා වීමට නියමිත බව සඳහන්ය.
