ජා-ඇළ ප්‍රදේශයේ බිත්තර ගබඩාවකට පාරිභෝගික කටයුතු අධිකාරිය තැබූ මුද්‍රා ඉවත් කිරීමට වැලිසර මහෙස්ත්‍රාත් අධිකරණය අද (03) නියෝග කළේය.
ඒ එම බිත්තර මෙරට ප්‍රධාන පෙලේ ආයතන කිහිපයක් වෙත ලබාදීම සඳහා ගබඩා කර තිබූ බවට ඉදිරිපත් කළ ලේඛන සැලකිල්ලට ගනිමිනි.
වැඩි මිලට අලෙවි කිරීම සඳහා බිත්තර සඟවා තබා ගැනීමේ චෝදනාව යටතේ අදාළ ගබඩාවට මුද්‍රා තබා තිබුණි.
මෙම බිත්තර ගබඩා කර තිබූ ව්‍යාපාරික ආයතනය වැලිසර මහෙස්ත්‍රාත් අධිකරණයට අද දින මෝසමක් මගින් කරුණු වාර්තා කළ අතර ඔවුන් දන්වා සිටියේ අදාළ බිත්තර තොගය මෙරට ප්‍රධාන පෙලේ ආයතන කිහිපයක් වෙත අලෙවි කිරීම සඳහා ගබඩා කර තිබූ බවය.
සමස්ත ලංකා බිත්තර වෙළෙඳ සංගමයේ සභාපති ඇන්ටන් නිශාන්ත අප්පුහාමි මහතා,
“ඒ අයට දැඩි සේ අවවාද කළා. මින් ඉදිරියට මේ වගේ ව්‍යාපාරිකයින්ට කූඨ ලේඛන සකස් කරන්න එපා කියලා. නලීන් ප්‍රනාන්දු ඇමතුමාගේ උවමනාවටයි මේක කළේ. මාත් එක්ක පට්ට ඇරියස්. පට්ට තරහයි. මගේ මස්සිනා.. එයාට විරුද්ධව තමයි නැඟිටින්නේ.”
මූලාශ්‍රය – අද දෙරණ
