ජනාධිපති මාධ්‍ය අංශය විසින් පවත්වනු ලබන “ස්ථාවර රටකට සැවොම එක මගකට“ මාධ්‍ය හමුව සඳහා සංචාරක හා ඉඩම් සහ ක්‍රීඩා හා යෞවන කටයුතු ඇමැති හරීන් ප්‍රනාන්දු සහභාගි නොවී එය මගහැරීම හේතුවෙන් මාධ්‍යවේදීහු ඊයේ (07) දැඩි අසීරුතාකට පත්වූ බව වාර්තා වේ.
ජනාධිපති මාධ්‍ය කේන්ද්‍රයේ ඊයේ (07) පස්වරු 2 ට පැවැත්වීමට නියමිතව තිබූ මාධ්‍ය හමුවට සහභාගිවීමට නියමිතව සිටියේ සංචාරක හා ඉඩම් සහ ක්‍රීඩා හා යෞවන කටයුතු ඇමැති හරීන් ප්‍රනාන්දුය මහතාය.
මාධ්‍යවේදීන් කල් ඇතිව පැමිණ මාධ්‍ය හමුව සඳහා සූදානම් වූවද ඇමැතිවරයා නොපැමිණියේය.
මෙම මාධ්‍ය හමුවද ඇතුළුව මීට පෙරදී ජනාධිපති මාධ්‍ය කේන්ද්‍රයේ පැවැති මාධ්‍ය හමු හතරකට ඇමැතිවරයාට අරාධනා කර තිබුණද, ඒ සඳහා ඔහු සහභාගිවී ඇත්තේ එක් මාධ්‍ය හමුවකට පමණි.
ආණ්ඩු පක්ෂය වෙනුවෙන් මෙම මාධ්‍ය හමු සංවිධානය කරන පාර්ලිමේන්තු මන්ත්‍රි මහින්දානන්ද අළුත්ගමගේ මහතා සහ ජනාධිපති මාධ්‍ය අංශයේ පිරිස ඇමැතිවරයා වරින් වර සම්බන්ධ කරගනිමින් මාධ්‍ය හමුවට සහභාගි වන ලෙස දැනුම් දුන්නද, ඇමැතිවරයා එය මගහැරීමට කටයුතු කිරීම නිසා ඔවුහුද දැඩි අසීරුතාවට පත්ව ඇති බවද පැවසේ.
මෙම ඇමැතිවරයා දුරකථනයෙන් වත් සම්බන්ධ කර ගැනීමට නොහැකි අයකු බවද අරුණ පුවත්පත වාර්තා කර තිබේ.
ඇමැතිවරයා නොපැමිණීම නිසා පැය එකහමාරකට වැඩි කාලයක් මාධ්‍යවේදීන් ජනාධිපති කාර්යාලය තුළ රස්තියාදු වී ඇති බවද පැවසේ.
සබැඳි පුවත්
ඇමති කොම්පැණිවලින් ගහන ඉන්දීය සංගීත ගැන කසුකුසුවක්
