සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන්  මහතා විසින් අත්හිටවූ උසස් පෙළ ප්‍රථිපල සහිත සිසුන් සම්බන්ධයෙන් අද (21) පාර්ලිමේන්තුවේදී ප්‍රශ්නයක් මතුකරන ලදී.

පසුගිය මාසයේ අපොස උසස් පෙළ විභාගයේ ප්‍රථිපල නිකුත් වුනා.ඒ ප්‍රථිපල නිකුත් වීමේදී ළමයි 456කගේ වගේ සංඛ්‍යාවකගේ සමහර විශයයන් සම්බන්ධව සමහර ප්‍රථිපල අත්හිටුවලා තියෙනවා මොකක් හරි හේතුවක් උඩ.

දැන් මේ මාසයේ 29 වැනිදාට කලින් විශ්වවිද්‍යාලවලට ඇතුළත් වෙන අයට අයෙදුම් කරන්න කියලා උසස් අධ්‍යාපන අමාත්‍යංශය දැනුම් දීලා තියෙනවා.

මේ වෙනකන් තවම අර අත්හිටවූ ප්‍රථිපල සම්බන්ධව විභාග දෙපාර්තමේන්තුව කිසිදු ආකාරයේ ක්‍රියාමාර්ගයක් හෝ එක්කෝ ඒ ළමයින්ව අඬගහලා සම්මුඛ පරීක්ෂණත් පවත්වලා තියෙනවා. ඒ ප්‍රථිපල අත්හිටවූ ළමයින්ව විභාග කොමසාරිස් දෙපාර්තමේන්තුවට කැඳවලා.

ඉතාම කෙටි කාලයයි තිබෙන්නේ. විශ්ව විද්‍යාල වලට අයැදුම් කරන්න තියෙන කාලය තව දවස් හතක් වගේ…තවම මේ ළමයින්ගේ ප්‍රථිපල අත්හිටුවලා තියාගෙන ඉන්නවා…

වහාම මෙම ගැටළුව වෙත මැදිහත් වී කටයුතු කරන ලෙස මන්ත්‍රීවරයා විසින් අගමැතිනියගෙන් ඉල්ලා සිටින ලදී.

මේ සඳහා පිළිතුරු ලෙස අගමැති හා අධ්‍යාපන, උසස් අධ්‍යාපන අමාත්‍ය හරිනි අමරසූරිය විසින් පිළිතුරු ලබා දෙමින් සඳහන් කලේ,

බොහෝ වෙලාවට ඒවා අත්හිටුවන්නේ විනය ක්‍රියාමාර්ගයක් නිසා. නමුත් මම ඒ යෝජනාව පිළිගන්නවා.

මම මැදිහත් වෙලා වහාම මේක දෙකෙන් එකක් බේරගන්න.

 එක්කෝ මේ ළමයින්ට ප්‍රථිපල නිකුත් වෙන්න . නැත්නම් යම් කාලයක් ලබා දෙන්න මම මැදිහත් වෙන්නම්.

කෙහෙළිය රඹුක්වැල්ල හිටපු අමාත්‍යවරයාගේ පුත් රමිත් රඹුක්වැල්ල මහතා ප්‍රකාශයක් ලබාදීම සඳහා අල්ලස් කොමිසම හමුවට පැමිණ තිබේ.

අල්ලස් කොමිසම විසින් “දූෂණය” නැමති වරද සිදුකළේ යැයි සැකපිට පැමිණිලි තුනකට අදාළව අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය කෙහෙළිය රඹුක්වැල්ල මහතා ලබන 03 වනදා දක්වා තවදුරටත් රක්ෂිත බන්ධනාගාර ගත කරන ලෙස  කොළඹ ප්‍රධාන මහෙස්ත්‍රාත් තනූජා ලක්මාලී මහත්මිය ඊයේ (20) නියෝග කළාය.

එමෙන්ම අදාළ නඩුකරවල සැකකරුවකු ලෙස කෙහෙළිය රඹුක්වැල්ල හිටපු අමාත්‍යවරයාගේ පුත් රමිත් රඹුක්වැල්ල මහතා නම් කිරීමටද මහෙස්ත්‍රාත්වරිය විසින් අල්ලස් කොමිසමට අවසර ලබා දුන්නාය.

ඒ අනුව ප්‍රකාශයක් ලබාදෙන ලෙස මහසේත්‍රාත්වරිය කළ නියෝගයට අනුව සැකකාර රමිත් රඹුක්වැල්ල මහතා අද දින අල්ලස් කොමිසමට පැමිණ තිබේ.

කථානායකවරයාගේ ප්‍රධානත්වයෙන් අද (21) පාර්ලිමේන්තු කටයුතු ආරම්භ කර තිබේ.

මැයි මස දෙවැනි රැස්වීම් සතියේ දෙවැනි රැස්වීම් දිනය ලෙස අද (21) පෙ.ව. 9.30ට පාර්ලිමේන්තුව රැස්විය.

අද පෙ.ව 9.30 – පෙ.ව. 10.00 දක්වා කාලය ස්ථාවර නියෝග 22හි 1 සිට 6 දක්වා සඳහන් පාර්ලිමේන්තු කටයුතු සඳහා වෙන්කර ඇත.

පෙ.ව 10.00 – 11.00 කාලය වාචික පිළිතුරු අපේක්ෂා කරන ප්‍රශ්න සඳහාද,

පෙ.ව. 11.00 -11.30 කාලය ස්ථාවර නියෝග 27(2) යටතේ ප්‍රශ්න සඳහා වෙන් කර තිබේ.

පෙ.ව 11.30 සිට ‍ප.ව 5.00 දක්වා කාලය වෙන්කර තිබෙන්නේ 2003 අංක 25 දරන මුදල් පනත යටතේ නියෝගය සහ 2018 අංක 35 දරන මුදල් පනත යටතේ නිවේදනය විවාදයට ගැනීම වෙනුවෙනි.

අනතුරුව ප.ව 5.00 සිට ප.ව 5.30 දක්වා කාලය සභාව කල් තබන අවස්ථාවේ ඉදිරිපත් කරන ප්‍රශ්න වෙන්කර තිබේ.