එඬරු ඇට ආහාරයට ගැනීමෙන් ඇති වූ අසාද්මිකතාවක් හේතුවෙන් පාසල් ළමුන් 8 දෙනෙකු රෝහල් ගත කර තිබේ.
පොලීසිය පැවසුවේ, ඊයේ (28) දහවල් මන්නාරම – තච්චනාමරදමඩු ප්‍රදේශයේදී මෙම ළමුන් එඬරු ඇට ආහාරයට ගෙන ඇති බවය.
මේ අතර, අවුරුදු 9 ක් වයසැති පිරිමි දරුවෙකු සහ ගැහැණු දරුවන් 7 දෙනෙකු සිටින බව පොලීසිය පවසයි.
මෙම පිරිස මඩු ප්‍රදේශයේ දරුවන් වන අතර සිද්ධිය සම්බන්ධයෙන් මඩු පොලීසිය වැඩිදුර විමර්ශන සිදුකරමින් පවතී.
