Connect with us

පුවත්

ජනපති ඉන්දියාවට යාමට සැරසෙද්දී ස්ටාලින් මෝදිගෙන් කච්චතිව් ඉල්ලයි

Published

on

ඉන්දු-ලංකා ධීවර ප්‍රශ්නයට ස්ථිර විසඳුමක් ලබාගැනීමට නම් කච්චතිව් දූපත යළි ඉන්දියාව පවරා ගත යුතු බවට තමිල්නාඩු ප්‍රධාන අමාත්‍ය එම්. කේ. ස්ටාලින් මහතා ඉන්දීය අග්‍රාමාත්‍ය නරේන්ද්‍ර මෝදි මහතාගෙන් ඉල්ලීමක් කර තිබේ.

ඊයේ (08)  ඉන්දීය අග්‍රාමාත්‍ය නරේන්ද්‍ර මෝදි මහතා චෙන්නායි නගරයට පැමිණි අවස්ථාවේ දී චෙන්නායි ගුවන් තොටුපොළේ ප්‍රධාන අමාත්‍යවරයාගේ අදාළ ඉල්ලීම් ඇතුළත් ලිපියක් අග්‍රාමාත්‍යවරයාට ලබා දී ඇතැයි ද පැවසේ.

ජාත්‍යන්තර මුහුදු සීමාව උල්ලංඝනය කිරීම හේතුවෙන් තමිල්නාඩු ධීවරයන් නිරන්තරයෙන් ශ්‍රී ලංකා නාවික හමුදාවවේ අත්අඩංගුවට පත්වන බව තමිල්නාඩු ප්‍රධාන අමාත්‍යවරයා එහිදී පෙන්වා දී තිබේ. 

තමිල්නාඩු මහාමාත්‍යවරයා ඉල්ලා තිබෙන්නේ පෝක් සමුද්‍ර සන්ධිය ආශ්‍රිතව මුහුදු තීරයේ තමිල්නාඩු ධීවරයන්ගේ පාරම්පරික අයිතිය ආරක්ෂා කර, ධීවරයන්ගේ ආරක්ෂාව ද තහවුරු කරන ලෙසට ය.

කච්චතිව් දූපත පිළිබඳව ඉන්දියාවට ඇති ස්‍වෛයිරී අයිතිය යළි පවරා ගැනීම තුළින් පාරම්පරික ධීවර අයිතිය තමිල්නාඩු ධීවරයන්ට ළඟා කර දිය හැකි බව තමිල්නාඩු රජය යළිත් අවධාරණය කරන බවට එම්. කේ. ස්ටාලින්  ඉන්දීය අග්‍රාමාත්‍යවරයාට පවසා තිබේ.

කෙසේවුවද, ස්ටාලිං මහතා මේ ඉල්ලීම කර ඇත්තේ ජනපති රනිල් වික්‍රමසිංහ මහතා සිංහල හා හින්දු අලුත් අවුරුදු උත්සවයෙන් පසුව ඉන්දියාවේ නිල සංචාරයක් කිරීමට දින නියමකරගෙන සිටියදීය.

සබැඳි පුවත්:

නීති විරෝධී වැඩ කළ ඉන්දීය ධීවරයෝ 202ක් නාවික හමුදාව අල්ලලා!

පුවත්

“වැල්ලේ සාරංගගේ” සමීපතමයෙක් අත්අඩංගුවට

Published

on

By

සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන දැනට ඩුබායි රාජ්‍යයේ රැඳී සිටින “වැල්ලේ සාරංග” ගේ ප්‍රධාන සමීපතමයෙකු අයිස් මත්ද්‍රව්‍ය සමග පොලිස් විශේෂ කාර්ය බළකාය අත්අඩංගුවට ගෙන තිබේ.

මනුෂ්‍ය ඝාතනයක් සඳහා පැමිණි පුද්ගලයෙකුට ආධාර අනුබල සහ නවාතැන් දීම සම්බන්ධයෙන් වන චෝදනාව මත මෙම පුද්ගලයාව ජාඇළ, තුඩැල්ල ප්‍රදේශයේ දී අත්අඩංගුවට ගෙන ඇත.

සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන දැනට ඩුබායි රාජ්‍යයේ රැඳී සිටින වැල්ලේ සාරංග නැමති පුද්ගලයාගේ මෙහෙයවීම මත පසුගිය මාර්තු මස 08 වනදා මත්තුමගල ප්‍රදේශයේ පදිංචි පුද්ගලයෙකුට ටී 56 වර්ගයේ ගිනි අවියකින් වෙඩිතබා ඔහුව ඝාතනය කිරීමට තැත්කර තිබේ.

එම වෙඩික්කරුට  නවාතැන් පහසුකම් ලබාදිම, මිනි මැරිමට තැත් කිරිම සඳහා ආධාර අනුබල දිම, හා අයිස් මත්ද්‍රව්‍ය ග්‍රෑම් 02 මිලි ග්රෑම් 70ක් සන්තකයේ තබා ගැනීම යන චෝදනාමත මෙම සැකකරු අත්අඩංගුවට ගෙන ඇති බව පොලීසිය විසින් ප්‍රකාශ කරන ලදී.

අත්අඩංගුවට ගෙන ඇත්තේ ජාඇළ ප්‍රදේශයේ පදිංචි වයස අවුරුදු 28ක් වන පුද්ගලයෙකි.

Continue Reading

පුවත්

දන්සැල්වලට සතොසෙන්  වට්ටම්

Published

on

By

එළඹෙන වෙසක් සහ පොසොන් සමය වෙනුවෙන් දිවයින පුරා සංවිධානය කරන දන්සැල් සඳහා අවශ්‍ය කරන ආහාර ද්‍රව්‍යයන් වෙනුවෙන් විශේෂ මිල වට්ටම් ලබා දීමට ලංකා සතොස තීරණය කර තිබේ.

ඒ අනුව ප්‍රදේශයන්හි සංවිධානය කරනු ලබන දන්සැල් සඳහා අවශ්‍ය කරන ආහාර ද්‍රව්‍ය ඇණවුම් මැයි මස 17 වන දිනට පෙර ලඟම ඇති ලංකා සතොස ශාඛාව වෙත ලබා දෙන ලෙස දැනුම් දී ඇත.

Continue Reading

පුවත්

ඔලිම්පික් ගිනිසිළුව ශ්‍රී ලාංකිකයෙක් අතට

Published

on

By

ඔලිම්පික් ගිනි සිළුව රැගෙන යාමේ අවස්ථාව ශ්‍රී ලාංකීකයෙකු වන තර්ෂන් සෙල්වරාජාට  හිමිව තිබේ.

සාමාන්‍ය පුරවැසියන්ගේ සිට ප්‍රභූවරුන් දක්වා 10,000 කට පමණ පිරිසකට රට පුරා, එහි රිලේ කොටසක් සඳහා ගිනිසිළුව සහිත පන්දම රැගෙන යෑමේ අවස්තාව  හිමිවන අතර ඒ අනුව ශ්‍රී ලාංකිකයෙකු වන තර්ෂන් සෙල්වරාජාට ද මෙකී අවස්ථාව හිමි ඇත.

මේත් සමඟින් මෙම ගිනිසිළුව රැගෙන යෑමේ ගෞරවයට පාත්‍ර වූ ප්‍රථම ලාංකිකයා ලෙසයි තර්ෂන් ඉතිහාසයට එක්වේ.

ශ්‍රී ලංකාවේ උපන් දැනට පැරීසියේ ජීවත් වන තර්ෂන් සෙල්වරාජා වෘත්තියෙන් බේකරි හිමිකරුවෙක් වන අතර පැරීසිය පුරාම ප්‍රසිද්ධත්වයට පත්ව ඇත්තේ ඔහු නිශ්පාදනය කරන තුනී පාන් විශේෂයක් වන baguette  හේතුවෙනි.

ප්‍රංශයේ රජ මැදුරට වාර්ෂිකව baguette ලබා දෙන්නා වන්නේ ද තර්ෂන් ය.

ප්‍රංශයේ පැරිස් නුවර පැවැති ‘Grand Prix de la Baguette de Traditional Francaise de la Ville De Paris’’ නම් තරගයෙන් ජය ගැනීම සමඟ හොඳම පැරිසියානු  baguette යන කීර්තිමත් නාමය හිමිකර ගැනීමට ඔහු සමත් වූයේය.

තමාට ලැබුන මේ අවස්ථාව ගැන තර්ෂන් මාධ්‍ය වෙත මෙලෙස අදහස් පළ කර තිබුණි.

“මේක පුදුම සහගත දෙයක් මට. මේ වෙනුවෙන් මාව තෝරගත්ත එකට ස්තූතියි. ඔලිම්පික් කමිටුවේ හිටිය ක්‍රීඩා අමාත්‍යවරයා තමා මාව තෝරගෙන තිබුණේ. මේ ගැන හිතුවාම ගොඩාක් සතුටයි. ප්‍රංශයේ දහස් ගණන් ජනතාවක් ඉන්නවා. මම ගොඩාක් වාසනාවන්තයි මේ අවස්ථාව ලැබුණ එකට. කොහෙදී ද ගිනි සිළුව මට ලැබෙන්නේ කියලා මම දන්නේ නැහැ. නමුත් ජූලි මස 15වැනිදා ගිනි සිළුව පැරිසියට එනවා.”

Continue Reading
Advertisement

Trending

Copyright © 2023 Sri Lanka Mirror. All Rights Reserved