මාතර මහෙස්ත්‍රාත් අධිකරණයට ඉදිරිපත් වූ වරෙන්තු ලබා සිටි පොලිස්පති දේශබන්දු තෙන්නකෝන් මහතා හෙට දිනය දක්වා රක්ෂිත බන්ධනාගාර ගත කර තිබේ.
(පෙර පුවත 2025 මාර්තු 19 පෙ.ව.09.17)
දේශබන්දු තෙන්නකෝන් මාතර අධිකරණයට පැමිණෙයි
ශ්‍රේෂ්ඨාධිකරණය විසින් තාවකාලිකව සේවය අත්හිටුවා ඇති පොලිස්පති දේශබන්දු තෙන්නකෝන් මාතර මහේස්ත්‍රාත් අධිකරණයට පැමිණ තිබේ.
මෙම නඩුව අද(19) පෙරවරුවේ කැඳවිමට නියමිතය.
මාතර, වැලිගම ප්‍රදේශයේ පිහිටි ” W 15” හෝටලයකට වෙඩිතැබීමේ සිද්ධිය සම්බන්ධයෙන් තෙන්නකෝන ඇතුළු පොලිස් නිලධාරීන් 8 දෙනෙකු අත්අඩංගුවට ගන්නැයි මාතර මහේස්ත්‍රාත් අධිකරණය පසුගිය පෙබරවාරි 28 වැනිදා නියෝගයක් නිකුත් කලේය.
පසුව මෙම අත්අඩංගුවට ගැනිම වළක්වාලන ලෙස ඉල්ලමින් දේශබන්දු තෙන්නකෝන් මහතා පසුගිය මාර්තු (10) සිය නීතිඥවරුන් මාර්ගයෙන් අභියාචනාධිකරණයට රිට් පෙත්සමක් ඉදිරිපත් කරනු ලැබීය.
ඒ අනුව එම රිට් පෙත්සම පසුගිය සදුඳා( 17) වන දින විභාගයට නොගෙනම නිෂ්ප්‍රභ කිරීමට අභියාචනාධිකරණය කටයුතු කලේය.
