ශ්‍රී ලංකාවේ ඇමරිකානු තානාපති කාර්යාලය සහ ඇමරිකා-ශ්‍රී ලංකා ෆුල්බ්‍රයිට් කොමිෂන් එකට එක්ව, ඇමරිකානු උසස් අධ්‍යාපනය පිළිබඳව ඇමරිකානු රජයේ නිල තොරතුරු මධ්‍යස්ථානය වන EducationUSA විසින් 2025 මාර්තු 20 සිට 22 දක්වා කොළඹ, ගාල්ල සහ මාතරදී ඇමරිකානු විශ්වවිද්‍යාල පිළිබඳ ප්‍රදර්ශනයක් පවත්වන බව සතුටින් නිවේදනය කරයි.
උපාධි, පශ්චාත් උපාධි සහ පීඑච්ඩී පාඨමාලා සඳහා ඇබෑර්තු ලැබීමට බලාපොරොත්තු වන ශිෂ්‍යයන්ට, ඇමරිකා එක්සත් ජනපදයෙහි නව සම්මානිත විශ්වවිද්‍යාල නියෝජිතයින් හමුවිය හැකි අවස්ථාවක් ලැබෙනු ඇත.
ශිෂ්‍යයන්, දෙමව්පියන් සහ පාසල් පාලන මණ්ඩල සාමාජිකයන්ට මෙම උත්සවයට සහභාගී වීමට ආරාධනා කරයි. සහභාගීත්ව ගාස්තුවක් නොමැති නමුත් ලියාපදිංචිය අවශ්‍ය වේ.
වැඩි විස්තර සහ ලියාපදිංචිය සඳහා කරුණාකර පිවිසෙන්න: bit.ly/EducationUSARoadshow2025.
ඇමරිකානු විශ්වවිද්‍යාල නියෝජිතයින් සහ EducationUSA උපදේශකයන් සමඟ පැවැත්වෙන සාකච්ඡා, අධ්‍යාපනික වැඩසටහන්, ඇබෑර්තු ක්‍රියාවලිය, ශිෂ්‍යත්ව සහ මූල්‍ය ආධාර පිළිබඳව වටිනා සම්පත් ලබාදේ. මෙම සැසියන් ශ්‍රී ලංකා ශිෂ්‍යයන්ට ඇමරිකානු උසස් අධ්‍යාපනය පිළිබඳව නිවැරදි තීරණ ගැනීමට සහ ඇමරිකාවේ අධ්‍යාපනය සහ ජීවිතය පිළිබඳව ගැඹුරු අවබෝධයක් ලබා ගැනීමට උපකාරී වේ.
ඇමරිකා-ශ්‍රී ලංකා ෆුල්බ්‍රයිට් කොමිෂන්හි කාර්ය මණ්ඩලය, ශ්‍රී ලංකා පුරවැසියන් සඳහා තිබෙන ශිෂ්‍යත්ව අවස්ථා පිළිබඳව විස්තරාත්මකව පැහැදිලි කරනු ඇත.
EducationUSA 2025 ප්‍රදර්ශන කාලසටහන:
| Date | City | Venue | Time |
| Thursday, March 20 | Colombo | The Kingsbury Hotel, Winchester Room | 1:00pm to 4:00pm |
| Friday, March 21 | Galle | Radisson Blu Hotel | 2:00pm to 4:30pm |
| Saturday, March 22 | Matara | University of Ruhuna | 10:00am to 1:00pm |
පහත සඳහන් ඇමරිකානු උසස් අධ්‍යාපන ආයතනවල නියෝජිතයින් මෙම ප්‍රදර්ශනයට සහභාගී වීමට නියමිතය:
| No. | Institution Name | City | State |
| 1 | Fullerton College | Fullerton | California |
| 2 | George Mason University | Fairfax | Virginia |
| 3 | The George Washington University | Washington | D.C. |
| 4 | Quinnipiac University | Hamden | Connecticut |
| 5 | University of New Haven | West Haven | Connecticut (only present at the fair in Colombo) |
| 6 | University of Wisconsin-Stout | Menomonie | Wisconsin |
| 7 | Wichita State University, | Wichita | Kansas |
| 8 | Wesleyan College | Macon | Georgia |
| 9 | Worcester Polytechnic Institute | Worcester | Massachusetts |
