ක්රීඩා
ආසියානු හා ආබාධිත ආසියානු තරගාවලිවල පදක්කම් ලාභීන්ට මුදල් තෑගි පිරිනමයි
ආසියානු තරගාවලියේ හා ආබාධිත ආසියානු තරගාවලියේ පදක්කම් ලාභීන්ට ක්රීඩා අමාත්යාංශය මගින් පොරොන්දු ප්රකාරව මුදල් පිරිනැමීම පසුගියදා ක්රීඩා අමාත්යාංශයේ ඩන්කන් වයිට් ශ්රවණාගාරයේදී පැවැත්විණ.
මෙහිදී රුපියල් කෝටි 12 කට අධික මුදලක් එම පදක්කම් ලාභීන් හා ඔවුන්ගේ පුහුණුකරුවන් අතර බෙදා දෙන ලදී.
මෙම ප්රදානයන් ක්රීඩා, ඉඩම් හා සංචාරක අමාත්ය හරීන් ප්රනාන්දු මහතාගේ අතින් සිදු කෙරිණ.
පැරිස් ඔලිම්පික් යන ක්රීඩක ක්රීඩිකාවන් හය දෙනාටද රුපියල් දස ලක්ෂය බැගින් මෙහිදී පිරිනැමිණ.
මෙම අවස්ථාවට ඔලිම්පික් කමිටු ලේකම් මැක්ස්වෙල් ද සිල්වා මහතාද සහභාගි විය.
ලබන ලද ජයග්රහණ අනුව වැඩිම මුදලක් ලැබුණු ක්රීඩිකාව වූයේ තරුෂි කරුණාරත්නයි.
