සත්කාරක ශ්‍රී ලංකාව හා නවසීලන්තය අතර පී. සරවනමුත්තු ක්‍රීඩාංගණයේදී අද (12) පැවැති තෙවැනි සහ අවසන් 20-20 කාන්තා තරගයෙන් කඩුලු 10 ක පහසු ජයක් ලැබීමට ශ්‍රී ලංකා ක්‍රීඩිකාවෝ සමත් වූහ.
ශ්‍රී ලංකා පිල ලකුණු 141 ක ජයග්‍රාහි ඉලක්කය, පන්දුවාර 14.3 කදී කිසිවකු නොදැවී රැස්කිරීමට සමත් වීම විශේෂත්වයකි.
එහිදී චමරි අතපත්තු පන්දු 47 කදී හතරේ පහර 13 ක් සහ හයේ පහර දෙකක් සමගින් නොදැවී ලකුණු 80 ක් රැස්කිරීමට සමත් වූවාය.
හර්ෂිතා මාධවී පන්දු 40 කදී හතරේ පහර 7 ක් සමගින් නොදැවී ලකුණු 49 ක් රැස් කළාය.
කෙසේ වෙතත් නවසීලන්තය මෙම තරගාවලියේ පළමු තරග දෙක ජය ලැබීම නිසා 2-1 ක් ලෙස තරගාවලිය ජය ලැබීය.
නවසීලන්ත කාන්තා ක්‍රිකට් පිල පන්දුවාර 20 කදී කඩුලු 9 ට 140 (සුසී බාටිස් 37, සොපී ඩෙවිනේ 46, සුගන්දිකා කුමාරි 23/2, ඉනෝකා රණවීර 15/3)
ශ්‍රී ලංකා කාන්තා ක්‍රිකට් පිල පන්දුවාර 14.3 කදී කිසිවකු නොදැවී 143 (හර්ෂිතා මාධවී නොදැවී 49, චමරි අතපත්තු නොදැවී 80)
