ලෝක කුසලාන පාපන්දු තරගාවලියේ පළමුුු අවසන් පූර්ව තරගය ඊයේ (13) කොඒෂියාව සහ ආජන්ටිනාව අතර පැවැති අතර එය 3 – 0 ලෙස ජය ගැනීමට මෙසී ප්‍රමුඛ ආජන්ටිනාව සමත්විය.
එම ජයග්‍රහනයත් සමග ආජන්ටිනාව අවසන් මහා තරගයට සුදුසුකම් ලැබීය.
තරගයේ 34 වැනි විනාඩියේදී දඩුවම් පහරක් සාර්ථක කර ගැනීමට මෙසී සමත්වුණු අතර පළමු අර්ධයේ 39 වැනි විනාඩියේදී තවත් ගෝලයක් ජුලියන් අල්වාරේස් සමත්විය.
ඒ අනුව පළමු අර්ධය අවසන් වෙද්දී ගෝල 2- 0 ලෙස ආජන්ටිනාව ඉදිරියෙන් සිටි අතර දෙවැනි අර්ධයේ 69 වැනි විනාඩියේදී තවත් ගෝලයක් වාර්තා කිරීමට ජුලියන් සමත්විය.
ඒ අනුව තරගය 3- 0 ලෙස ආජන්ටිනාව ජය ගත් අතර දෙවැනි අවසන් පූර්ව තරගය හෙට අළුයම 12. 30 ට ප්‍රබල ප්‍රංශය සහ පළමු වතාවට අවසන් පූර්ව තරගයකට සුදුසුකම් ලැබූ මොරොක්කෝව අතර පැවැත්වීමට නියමිතය.
