පසුගිය පැය 24 තුළ අධික උෂ්ණත්වය හේතුවෙන් ඉන්දියාවේ ඔඩිෂා, බිහාර්, ජාර්කාන්ද්, රාජස්ථාන් සහ උත්තර් ප්‍රදේශ් යන ප්‍රාන්තවල පුද්ගලයින් 85 දෙනෙකු ජීවිතක්ෂයට පත්ව ඇති බව ඉන්දීය මාධ්‍ය වාර්තා කරයි.
ඉන්දීය මාධ්‍ය වාර්තා කරන්නේ, උතුරු සහ මධ්‍යම ඉන්දියාවේ ඇතැම් පළාත්වල පවතින අධික උෂ්ණත්වය හේතුවෙන් ඊයේ (31) දිනයේදී පුද්ගලයන් 15 දෙනකු ජීවිතක්ෂයට පත්වී ඇති බවය.
එහිදී උෂ්ණත්වය සෙල්සියස් අංශක 50 පසු කර ඇති ඔඩිෂා පළාතේ පමණක් මරණ 10ක් වාර්තා වන බවත්, නවදිල්ලිය, බිහාර්, රාජස්තාන් සහ ජාර්කන්ඩ් පළාත්වලින් සෙසු මරණයන්ද වාර්තා වෙන බවයි ඉන්දීය මාධ්‍ය සඳහන් කරයි.
වැඩිම මරණ සංඛ්‍යාවක් වාර්තා වන ඔඩිෂා පළාතේ රෝහල් සඳහා අධික උෂ්ණත්වය දරා ගැනීමට අපහසුතාවයෙන් පුද්ගලයන් 40කට අධික සංඛ්‍යාවක් ප්‍රථිකාර සඳහා ඇතුළත් කර තිබෙන බවත් එම මාධ්‍ය වාර්තාවේ වැඩිදුරටත් සඳහන්ය.
