පාකිස්තානයේ හිටපු අගමැති ඉම්රාන් ඛාන් සහ ඔහුගේ බිරිඳ වන බුෂ්රා බිබී හට වසර 14ක සිර දඬුවමක් ලබා දී ඇති බව වාර්තා වේ.
නඩු තීන්දුවෙන් පසුව ඛාන් මහත්මියද අධිකරණයට භාර වී ඇත.
ඛාන් මහතා අගමැතිව සිටියදී රාජ්‍ය මට්ටමෙන් ලද ත්‍යාග, පෞද්ගලික ලාභ තකා විකුණා ඇති බව ඔවුන්ට චෝදනා එල්ල වී ඇත.
මේ වනවිටත් බන්ධනාගාර ගත කර සිටින ඉම්රාන් ට එරෙහිව, රාජ්‍ය රහස් හෙළි කිරීමේ චෝදනාවට ඊයේ (30) දිනයේදී ද වසර 10ක සිර දඬුවමක් ලබා දී තිබුණි.
ඔහුගේ විරුද්ධවාදීන් විසින් 2022 වසරේදී ඉම්රාන් ව අගමැති ධුරයෙන් ඉවත් කළ අතර පසුගිය වසරේදී දූෂණ චෝදනා මත ඔහුට වසර 03ක සිර දඬුවමක් තීන්දු කළේය.
කෙසේවුවද, ඛාන් මහතා පවසන්නේ මේ සියලු චෝදනා දේශපාලන පළි ගැනීම් බවයි.
මෙම සියලු සිරදඬුවම් එක්වර ක්‍රියාත්මක වනු ඇතැයි විශ්වාස කරන බව විදෙස් වාර්තා වල දැක්වේ.
සබැඳි පුවත්:
ඉම්රාන් ඛාන්ට දස වසරක සිරදඬුවමක් – Sri Lanka Mirror – Right to Know. Power to Change
