ගබ්සා කිරීමේ අයිතිය සිය ව්‍යවස්ථාවට ඇතුළත් කළ ලොව පළමු රට බවට ප්‍රංශය පත්ව ඇත.
ප්‍රංශ පාර්ලිමේන්තුවේ මේ සම්බන්ධයෙන් පැවති ඡන්දයේදී ඡන්ද 780ක් පක්ෂවද ඡන්ද 72ක් විපක්ෂවද ප්‍රකාශ වී තිබුණි.
මෙම තීන්දුව “විශ්ව පණිවිඩයක්” යැවූ “ප්‍රංශ අභිමානය” පිළිඹිබු වන බව එරට ජනපති එමැනුවෙල් මැක්‍රොන් මහතා පවසයි.
කෙසේවෙතත්, මීට ගබ්සා කිරීමට විරුද්ධ පිරිස් හා වතිකානුව මෙම පියවර දැඩි ලෙස විවේචනයට ලක්කර ඇති බව විදෙස් වාර්තා සඳහන් කරයි.
ගබ්සා කිරීම 1975 සිට ප්‍රංශයේ නීත්‍යානුකූල වුවත්, ජනමත විමසුම්වලින් පෙනී ගොස් ඇත්තේ ගැබ් ගැනීමක් අවසන් කිරීමේ අයිතිය සුරක්ෂිත කිරීම සඳහා ව්‍යවස්ථාව සංශෝධනය කිරීමට මහජනතාවගෙන් 85% ක් පමණ කැමැත්ත පළ කර ඇති බවයි.
