පළාත් පාලන මැතිවරණය සම්බන්ධව මැතිවරණ කොමිෂන් සභාව අද (24 ) රැස්වී සාකච්ඡා කිරීමට නියමිතය.
මැතිවරණය කල් දැමීම සම්බන්ධව අද දිනයේදී සාකච්ඡා කිරීමට නියමිත බව එම කොමිසමේ ආරංචිමාර්ගවලින් වාර්තා වේ.
පළාත් පාලන මැතිවරණ පනතට අනුව දින 21 කට නොඅඩු කාලයක් සඳහා මැතිවරණය කල් දැමීම සිදුකළ යුතුය.
පළාත් පාලන මැතිවරණයට අදාළ තැපැල් ඡන්ද විමසීමේ කටයුතුද දින නියමයක් නොමැතිව කල් දැමීමට මැතිවරණ කොමිෂන් සභාව ඉකුත් සතියේදී තීරණය කරන ලදී.
මැතිවරණය කල් දමන ලෙස ඉල්ලා ගොනුකර තිබෙන පෙත්සම විභාග කිරීම මැයි මස 11 වැනිදා දක්වා කල් තැබීමට ශ්‍රේෂ්ඨාධිකරණය ඊයේ (23) තීරණය කළේය.
මේ අතර, ජනපති රනිල් වික්‍රමසිංහ මහතා මැතිවරණයක් තැබීමට තීන්දුවක් නොතිබූ බවට කළ ප්‍රකාශයට මැතිවරණ කොමිසමේ සභාපති නිතිඥ නිමල් පුංචිහේවා මහතා මාධ්‍යවෙත පවසා තිබුණේ පළාත් පාලන මැතිවරණය කැඳවුයේ ආණ්ඩුක්‍රම ව්‍යස්ථාවට හා මැතිවරණ නීතියට අනුව නීත්‍යානුකූලව බවයි.
ඔහු ප්‍රකාශ කළේ, එම ක්‍රියාවලිය මැතිවරණ කොමිෂන් සභාවේ සියළු සමාජිකයින්ගේ එකඟතාව ඇතිව සිදුවූ බවයි.
මුදල් ලබා නොදීමේ පසුබිමක දැනට ප්‍රකාශයට පත් කර ඇති පළාත් පාලන මැතිවරණය සම්බන්ධයෙන් අවසන් තීරණයක් ගැනීමට මැතිවරණ කොමිසම හෙට රැස් වන බව ද සභාපතිවරයා ප්‍රකාශ කළේ ය.
