පුවත්
“චීන – ලංකා නිදහස් වෙළඳ ගිවිසුම හැකි ඉක්මනින් සම්පූර්ණ කරන්න බලාපොරොත්තු වෙනවා”
චීනයේ රාජ්‍ය මන්ත්‍රී ගරු ශෙන් යිචින් (Shen Yiqin) මහත්මිය ප්‍රමුඛ දුත පිරිසක් සහ කථානායක ගරු මහින්ද යාපා අබේවර්ධන මහතා අතර හමුවක් ඊයේ (20) පාර්ලිමේන්තුවේදී පැවැත්විණි.
මෙම අවස්ථාව සඳහා කැබිනට් අමාත්‍යවරුන්, රාජ්‍ය අමාත්‍යවරුන් පාර්ලිමේන්තු මන්ත්‍රීවරයන්, පාර්ලිමේන්තුවේ මහලේකම් කුෂානි රෝහණදීර මහත්මිය, කාර්ය මණ්ඩල ප්‍රධානී සහ පාර්ලිමේන්තුවේ නියෝජ්‍ය මහලේකම් චමින්ද කුලරත්න මහතා සහ ශ්‍රී ලංකාවේ චීන තානාපති චී ජන්හොං මහතා එක්ව සිටියහ.
ශ්‍රී ලංකාවේ ආර්ථික සංවර්ධනය සඳහා ලබාදෙනු ලබන සහයෝගය මෙන්ම ශ්‍රී ලංකාව සම්බන්ධයෙන් චීනය විසින් ලබාදෙන සියලු ආකාරයේ සහයෝගීතාවන් පිළිබඳව කථානායකවරයා සිය කෘතඥතාව පළ කළේය. එසේම, කොළඹ වරාය නගරය ඇතුළු චීනයේ සහයෝගයෙන් මෙරට ක්‍රියාත්මක වන සංවර්ධන කටයුතු සාර්ථකව ක්‍රියාත්මක වන බව පැවසූ කථානායකවරයා දෙරට අතර ද්වීපාර්ශවික සම්බන්ධතා තවදුරටත් ශක්තිමත් කිරීමට බලාපොරොත්තුවන බවද සඳහන් කළේය.
මෙහිදී අදහස් දැක්වූ රාජ්‍ය මන්ත්‍රී ශෙන් යිචින් මහත්මිය, ශ්‍රී ලංකාවේ පාසල් දරුවන් වෙනුවෙන් නිල ඇඳුම් ලබාදීම ඇතුළු අනෙකුත් හදිසි මානුෂීය අවශ්‍යතා වෙනුවෙන් අවශ්‍යවන මූල්‍ය සහයෝගය ලබාදීමට චීන රජය බලාපොරාත්තු වන බව සඳහන් කළාය.
එමෙන්ම, දේශපාලන, ආර්ථික, සංස්කෘතික සහ ජනතාව අතර සම්බන්ධතා වර්ධනය කිරිම තුළින් දෙරට අතර අන්‍යෝන්‍ය විශ්වාසය සහ ප්‍රායෝගික සහයෝගීතාවයේ වර්ධනය ඇති වන බවත් එමගින් දෙරට අතර පවතින සමීප සබඳතාව තවදුරටත් ශක්තිමත් වනු ඇති බවත් යිචින් මහත්මිය පැවසුවාය. විස්තීර්ණ නිදහස් වෙළඳ ගිවිසුම (FTA) හැකි ඉක්මනින් සම්පූර්ණ කිරීම සඳහා ශ්‍රී ලංකාව සමඟ කටයුතු කිරීමට බලාපොරොත්තු වන බවද ඒ මහත්මිය වැඩිදුරටත් සඳහන් කළාය.
ශ්‍රී ලංකා පාර්ලිමේන්තු මන්ත්‍රීවරියන්ගේ සංසදය විසින් ශ්‍රී ලංකාව තුළ කාන්තා අභිවෘද්ධිය වෙනුවෙන් ගෙන ඇති ක්‍රියාමාර්ග පිළිබඳව පාර්ලිමේන්තු මන්ත්‍රී ගරු තලතා අතුකෝරල මහත්මිය දූත පිරිස දැනුවත් කළ අතර සංසදයේ ඉදිරි කටයුතු සඳහා චීනයේ සහයෝගය ලබා දෙන ලෙසද ඉල්ලා සිටියාය.
ලංකා ඛනිජ තෙල් නීතිගත සංස්ථාව විසින් අද (30) මධ්‍යම රාත්‍රියේ සිට බලපැවැත්වෙන පරිදි ඉන්ධන මිල ගණන් සංශෝධනය කිරීමට පියවර ගෙන තිබේ.
මෙම සංශෝධන යටතේ සියලුම ඉන්ධන වර්ගවල මිල පහළ දැමීම සිදුවෙයි.
ඒ අනුව ඔක්ටේන් 92 පෙට්‍රල් ලීටරයක මිල රුපියල් 03කින් පහළ දමා ඇති අතර එහි නව මිල රුපියල් 368කි.
ඔක්ටේන් 95 පෙට්‍රල් ලීටරයක මිල රුපියල් 20කින් පහළ දමා ඇති අතර, එහි නව මිල රුපියල් 420කි.
සුදු ඩීසල් ලීටරයක මිල රුපියල් 30කින් පහළ ගොස් ඇති අතර එහි නව මිල රුපියල් 333කි.
ලංකා සුපර් ඩීසල් ලීටරයක මිල රුපියල් 09කින් පහළ දමා තිබේ. එහි නව මිල රුපියල් 377කි.
භූමිතෙල් මිල රුපියල් 30කින් පහළ දමා ඇති අතර එහි නව මිල රුපියල් 215ක් වෙයි.
අද සිට ඉන්ධන මිලේ වෙනසක්
පාස්කු ප්‍රහාරයේ පෙරහුරුව සිදු වුනේ 2008 දී ( වීඩියෝ )
ජනපතිට සහ ආණ්ඩුක්‍රම ව්‍යවස්ථාදායක සභාවට අතුරු තහනම් නියෝගයක්
-
පුවත්2 days agoමනූෂගේ පර්මිට්වලින් ගේන්න යන වාහනයක් බදු නැතිව ඩොලර් 120,000යි: රේගුවටත් කට උත්තර නෑ
-
පුවත්5 days agoශා.තෝමස් විදුහලේ ගොඩනැගිල්ලක කෑල්ලක් කඩා වැටෙයි; විදුහල්පති පියනමට චෝදනා
-
පුවත්6 days agoසා. පෙළ විභාගය ගැන දැනුම්දීමක්
-
පුවත්1 week ago7ක් මැරුණ දින රෑ නරියා කන්දේ සංවිධායකයෝ පාටි දාලා (වීඩියෝ)
-
පුවත්1 week agoපාසල් පෝෂණ වැඩසටහනට දුන් සහල් ගැන නිවේදනයක්