රුසියා – යුක්‍රේන යුද්ධයේදී මියගිය මෙරට විශ්‍රාමික ත්‍රිවිධ හමුදා සාමාජිකයින් සංඛ්‍යාව, 14 ක් දක්වා ඉහළ ගොස් ඇතැයි ආරක්ෂක අංශ පවසයි.

ආරක්ෂක අමාත්‍යංශය සඳහන් කළේ, රුසියා – යුක්‍රේන යුද්ධයට මෙරට විශ්‍රාමික හමුදා සාමාජිකයින් යෙදවීමේ මිනිස් ජාවාරම සම්බන්ධයෙන් පැමිණිලි 134 ක් වාර්තා වී ඇති බවයි.

පසුගිය 9 වැනිදා සිට ඊයේ (11) රාත්‍රී 10 දක්වා කාලසීමාව තුළ එම පැමිණිලි වාර්තා වී තිබිණි.

අදාළ ජාවාරම සම්බන්ධයෙන් වැඩිදුර පරික්ෂණ සිදුකරන්නේ, අපරාධ පරික්ෂණ දෙපාර්තමේන්තුවයි.

එම ජාවාරම පිළිබඳ පැමිණිලි, 0112 441 146 යන දුරකතන අංකයට ලබාදිය හැකි බව,  ආරක්ෂක අමාත්‍යංශය සඳහන් කළේ ය.

සබරගමුව පළාතේ පාසල් 1080ක ගුරු පුරප්පාඩු 4,600ක් පමණ පවතින බව, අධ්‍යාපන අමාත්‍යංශය පවසයි.

සබරගමු පළාත් අධ්‍යාපන ලේකම් චාමර බමුණුආරච්චි මහතා කියා සිටින්නේ එම ගුරු පුරප්පාඩු සම්පුර්ණ කිරීමට මේවන විට කටයුතු කරමින් සිටින බවයි

ඉදිරියේදී මේ සඳහා සම්මුඛ පරීක්ෂණ පවත්වමින් පාසල් 425ක ගුරු පුරප්පාඩු සම්පුර්ණ කරන බව ද ඔහු වැඩිදුරටත් සඳහන් කළේ ය.

ඒ අනුව උසස් පෙළ ගුරුවරුන් 159ක් හා සාමාන්‍ය පෙළ විෂයන් සඳහා ගුරුවරුන් 877ක් සඳහා මෙම පත්වීම් ලැබෙනු ඇතැයි පැවසේ.

(මුලාශ්‍රය – නිව්ස් ෆස්ට්)

තීරුබදු රහිත වාහන බලපත්‍ර ලබාදෙන ලෙසට පාර්ලිමේන්තු මන්ත්‍රිවරුන් කර තිබෙන ඉල්ලීම ජනාධිපති රනිල් වික්‍රමසිංහ මහතාට යොමු කිරීමට කථානායක මහින්ද යාපා අබේවර්ධන මහතා තීරණය කර ඇතැයි වාර්තා ‍ වේ.

පාර්ලිමේන්තුවේ පැවති ඉහළ පෙළේ සාකච්ඡාවක දී කථානායකවරයා මේ බව මන්ත්‍රිවරුන්ට දැනුම් දී ඇත්තේ තමන්ට ඒ සම්බන්ධයෙන් තීරණයක් ගැනීමට හැකියාවක් නොමැති බව ද පවසමිනි.

වාහන බලපත්‍ර ඉල්ලා පක්ෂ විපක්ෂ මන්ත්‍රිවරු එකසියදහසය දෙනෙක් අත්සන් කර කථානායකවරයාට ලිපියක් භාර දී තිබෙන අතර ඒ සම්බන්ධයෙන් පසුගිය සතියේ පැවති පාර්ලිමේන්තු කටයුතු කාරක සභාවේ දී ද සාකච්ඡා කර තිබේ.

කෙසේ වුව ද එම කාරක සභාවට එක්ව සිට ඇති විපක්ෂ නායක සජිත් ප්‍රේමදාස මහතා සහ විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා විරෝධය පළ කර ඇති බවද පැවසේ.

ඉහත සාකච්ඡාවට යළිත් එම යෝජනාව ඇතුළත් කර ඇත්තේ පාර්ලිමේන්තු කටයුතු පිළිබඳ කාරක සභාවේ තීරණයකට අනුව ය. 

එම සාකච්ඡාව එක්ව සිට ඇති ඇතැම් මන්ත්‍රිවරු වාහන බලපත්‍රයක අවශ්‍යතාව කථානායකවරයට දැඩිව අවධාරණය කර තිබේ.

සබැඳි පුවත්
මන්ත්‍රී සැප වාහන බලපත්‍ර නතර වෙයිද?