ජනතාවගේ බලාපොරොත්තු අනිවාර්යයෙන් ඉටුකරන බව ශ්‍රී ලංකා කණ්ඩායමේ හිටපු නායක දසුන් ශානක පවසයි.

20යි 20 ලෝක කුසලාන තරගාවලිය සඳහා ශ්‍රී ලංකා ක්‍රිකට් කණ්ඩායම අද (14) දිවයිනෙන් පිටත්වන අවස්ථායේදී ඔහු ඒ බව සඳහන් කළේය.

“ඇත්තටම හොඳයි කණ්ඩායම ඉතාම හොඳන් සූදානම් වුණා. හොඳ තරගාවලියකට යනවා.”

ප්‍රශ්නය – ශ්‍රී ලංකා ජනතාවගේ බලාපොරොත්තු මොන වගේ තත්ත්වයක තියාගන්න පුළුවන්ද?

“අනිවාර්යෙන්ම ඉෂ්ඨ කරන්න බලාපොරොත්තු වෙනවා.”

ප්‍රශ්නය – තරගාවලියට සූදානම් සම්න්ධයෙන් කොහොමද ?

“ඉතා සතුටු වෙනවා. හොඳින් තරගාවලියක් පැවැත්වුවා යන්න කලින්. ක්‍රීඩකයෝ සියලුදෙනා සුපුරුදු රිද්මයට ඇවිල්ලා තියෙනවා.”

ප්‍රශ්නය – ටීම් වර්ක් එක කොහොමද ?

“ඉතාමත් හොඳයි. ඉතාමත් හොඳ එකමුතුවක් තියෙනවා. සීනියර් ප්ලේයර් සහ ජූනියර් ප්ලේයස්ලයි හොඳ සංකලනයක් තියෙනවා. මම හිතනවා ගොඩාක් හොඳ වෙයි කියලා. අනිවාර්යෙන් ජයග්‍රාහණය කරනවා.”

තහනම් උත්තේජක භාවිත කළ බවට චෝදනා එල්ල ව සිටින දැල්පන්දු ක්‍රීඩිකා සේමිණි අල්විස්ගෙන් නිදහසට කරුණු විමසීම අද (14) ජාතික විනය කමිටුව ඉදිරියේදී සිදු කිරීමට නියමිත බව වාර්තා වේ.

මෙම නිදහසට කරුණු විමසීම ශ්‍රී ලංකා උත්තේජක මර්දන නියෝජිතායතනයේදී සිදුකරන අතර, එහිදී ඇයට අවශ්‍ය නම් ‘බී‘ සාම්පල පරික්ෂණය ඉල්ලා සිටීමේ හැකියාව ද ඇතැයි පැවසේ.

කෙසේවුවද, මාධ්‍ය වාර්තා කර ඇත්තේ ඇය ‘බී‘ සාම්පල පරීක්ෂණයට නොගොස් සත්‍ය හෙළි කිරීමේ සූදානමකින් පවතින බවයි.

ඒ අනුව ඇයගේ අසනීප තත්ත්වයක් හේතුවෙන් ලබාගත් ඖෂධයක් නිසා මේ අතුරු ඵලය ලැබී ඇති බව ඇය සාක්ෂි සහිතව ඔප්පු කිරීමට සූදානමන් සිටින බවද පැවසේ.

ආසියානු දැල්පන්දු ශූරතාවලිය ඉලක්කකොට පුහුණුවීම්වල නිරතව සිටියදී ශ්‍රී ලංකා උත්තේජක මර්දන නියෝජිතායතනය මඟින් සිදුකළ පරීක්ෂණයකදී දැල්පන්දු ක්‍රීඩිකාව තහනම් උත්තේජක ලබාගත් බවට තහවුරු වී ඇතැයි වෛද්‍ය වාර්තාවක සඳහන් වේ. 

මේ හේතුවෙන් ඉදිරි පරීක්ෂණ කටයුතු නිමාවන තුරු එම ක්‍රීඩිකාවට තරග තහනමක් පනවා ඇත. 

සෙමිණි අල්විස්ගේ ‘ඒ‘ මූත්‍රා සාම්පලයේ ඇනබොලික් ස්ටොරයිඩ් නම් වූ තහනම් උත්තේජකය තිබූ බවත්, එය මාංශ පේශීන් වර්ධනයට ඉවහල්වන තහනම් සංඝටකයක් බවත් වෛද්‍ය වාර්තාවේ දැක්වේ.

සබැඳි පුවත්:
හිටපු දැල්පන්දු නායිකාවකට තහනම් උත්තේජක චෝදනා! 

11 වැනි කිනාමි මිචිටාකා අනුස්මරණ මළල ක්‍රීඩා උළෙල මේ දිනවලදී ජපානයේදී පැවැත්වෙයි.

එහිදී ශ්‍රී ලංකාවේ කාලිංග කුමාරගේ, පිරිමි මීටර් 400 ධාවන ඉසව්ව නියෝජනය කරමින් එම ඉසව්වේ රන් පදක්කම දිනා ගැනීමට ඊයේ (12) සමත් විය.

කාලිංගට තරගය අවසන් කිරීමට ගත වුයේ තත්පර 45.92ක කාලයකි.

මේ අතර කාන්තා මීටර 400 ඉසව්වට සහභාගී වු නදීෂා රාමනායක එහි සිව්වැනි ස්ථානය දිනා ගත්තාය.

ඇයට එම ඉසව්ව නිම කිරීමට ගත වු කාලය තත්පර 54.02කි.

කාන්තා මීටර 800 ධාවන ඉසව්වට සහභාගීවීමට සිටි තරුෂි කරුණාරත්න අසනීප තත්ත්වයක් හේතුවෙන් ඇය එම තරගයට සහභාගී නොවීය.