Connect with us

Uncategorized

ඉන්දියානු ව්‍යවස්ථා දිනය මෙරටදී සැමරේ

Published

on

2022 නොවැම්බර් 26 වන දිනට යෙදෙන ඉන්දීය ව්‍යවස්ථා දිනය සැමරීම සඳහා ඉන්දියානු මහ කොමසාරිස් කාර්යාලය විසින් වැඩසටහන් මාලාවක් සංවිධානය කර තිබිණ. 1949 නොවැම්බර් 26 වන දින ඉන්දියානු ව්‍යවස්ථාව සම්මත කිරීම මෙම විශේෂ දිනයේදී සමරනු ලැබේ.

ශ්‍රී ලංකා‍වේ විවිධ ප්‍රදේශවල පාසල් දරුවන් 200කට අධික පිරිසක් 2022 නොවැම්බර් 26 වන දින පැවති ළමා චිත්‍ර තරඟයට මහත් උනන්දුවකින් සහභාගී වූහ. “Incredible India” සහ “මූලික වගකීම්” වැනි තරඟයේ තේමාවන් ඉන්දියාවට සහ ඉන්දීය ව්‍යවස්ථාවට ඉතා සමීප අතර ශ්‍රී ලංකාවේ කුඩා නිර්මාණශීලී දරු දැරියන්ට සිය ශිෂ්ටාචාරමය සඟයා වන ඉන්දියාව පිළිබඳව මනා වැටහීමක් ඇති කරවීමට සමත් විය. මෙම වැඩසටහනෙහි ප්‍රධාන ආරාධිත අමුත්තා වශයෙන් සහභාගී වූ ගෝපාල් බාග්ලේ මහතා මෙවන් තරඟ සඳහා සහභගී වීමට දරුවන් දිරි ගන්වමින් මීළඟ පරපුරේ හැකියාවන් පෝෂණය කිරීම සම්බන්ධයෙන් දරුවන්ගේ මව්පියන් සහ ගුරුවරුන්ට සිය ප්‍රශංසාව පළ කළේය.

අනාගත පරපුර උදෙසා පරිසරය පිළිබඳ වගකීමකින් කටයුතු කිරීම සම්බන්ධයෙන් දරුවන් තුළ හැඟීමක් ඇති කිරීම අරමුණු කරගත් වැඩමුළුවක් ද මෙහිදී පැවැත්විණ. මෙම වැඩමුළුවේදී ඉවතලන ද්‍රව්‍යයන්ගෙන් පරිසර හිතකාමී නිර්මාණ සිදු කරන ආකාරය පිළිබඳව දරුවන්ට දැනුම ලබා දෙන ලදී. “ඉන්දියානු ව්‍යවස්ථාව සැකසීම” යන මැයෙන් පැවති ප්‍රදර්ශනයේදී ලොව විශාලතම ලිඛිත ව්‍යවස්ථාව යථාර්ථයක් බවට පත් කළ ඉතිහාසය සහ පසුබිම් සිද්ධි ප්‍රදර්ශනය කරන ලදී.

මහ කොමසාරිස්තුමා සහ මහ කොමසාරිස් කාර්යාලයේ නිලධාරිහු ඉන්දියානු ව්‍යවස්ථාවේ ප්‍රධාන නිර්මාතෘ ආචාර්ය බී. ආර්. අම්බෙඩ්කාර් මහතාගේ ඡායාරූපයට පුෂ්පෝපහාර ද දැක්වූහ. මෙයට පෙර පැවති වැඩසටහනක දී මහ කොමසාරිස්තුමා සහ මහ කොමසාරිස් කාර්යාලයේ නිලධාරින් විසින් ඉන්දියාවේ මාර්ගෝපදේශ ප්‍රතිපත්තීන් වලින් සමන්විත ඉන්දියානු ව්‍යවස්ථාවේ පූර්විකාව කියවන ලදී.

1949 නොවැම්බර් 26 වන දින ඉන්දියානු ව්‍යවස්ථාව සම්මත කිරීමෙන් අනතුරුව 1950 ජනවාරි 26 වන දින එය බලාත්මක කරන ලදී. මෙම සුවිශේෂී දිනය සිහි කරමින් සෑම වසරකම ලොව පුරා ඉන්දියානුවෝ “ජනරජ දිනය” මහත් අභිමානයකින් සමරති. විවිධ රටවල මනා පිළිවෙත් සහ ක්‍රමවේදයන්ගෙන් ආභාෂය ගෙන සකස් කරන ලද ඉන්දියානු ව්‍යවස්ථාව ඉන්දියාවේ ප්‍රතිපත්ති සම්පාදකයන්ගේ තීරණ ගැනීමේ මූලික පදනම වේ.

Uncategorized

ශ්‍රීලනිප අර්බුදය : අධිකරණ නියෝග 2ක්

Published

on

By

ශ්‍රී ලංකා නිදහස් පක්ෂයේ සභාපති ධූරයේ කටයුතු කිරීම තහනම් කරමින් හිටපු ජනපති මෛත්‍රිපාල සිරිසේන මහතාට අතුරු තහනම් නියෝගයක් කොළඹ ප්‍රධාන දිසා විනිසුරු සඳුන්විතානගේ මහතා  අද (24) නිකුත් කළේය.

ශ්‍රී ලංකා නිදහස් පක්ෂයේ විධායක සභිකයකු හා සංස්කෘතික සංවිධායක ලෙස කටයුතු කළ මුන්ටිගූ සරච්චන්ද්‍ර මහතා මෛත්‍රීපාල සිරිසේන මහතා ඇතුළු එම පක්ෂයේ සිව් දෙනෙකුට එරෙහිව පැවරූ නඩුවක් සලකා බැලීමෙන් පසුව නිකුත් කළ මෙම අතුරු තහනම නඩුව විභාග කර තීන්දුවක් ලබා දෙන තෙත් ක්‍රියාත්මක වේ.

සර්චන්ද්‍ර මහතා 2022 වසරේදී මෙම නඩුව පවරා ඇති අතර  මහතා වෙනුවෙන් කරුණු දැක්වූ නීතිඥ සාන්ත ජයවර්ධන මහතා අධිකරණයට පවසා සිටියේ මෛත්‍රිපාල සිරිසේන මහතා 2019 හා 2021 වසරේදී සභාපති ධුරයට පත්වීම නීති විරෝධී බවය.ශ්‍රී ලංකා නිදහස් පක්ෂයේ පක්ෂ ව්‍යවස්ථාවේ දොළොස් වැනි වගන්තිය අනුව හිටපු ජනාධිපතිවරයෙකුට පක්ෂයේ සභාපති ධුරය ඉසිලිය නොහැකි බවද, ඔවුන් අනුශාසකයින් ලෙස කටයුතු කළ යුතු බවද කරුණු දැක්වීය.

පැමිණිල්ලේ කරුණු සලකා බැලූ ප්‍රධාන දිසා විනිසුරුවරයා අතුරු තහනම් නියෝගය නිකුත් කළ අතර විත්තිය විරෝධතා ජුනි මස 24 වැනි දින අධිකරණයට ඉදිරිපත් කරන ලෙසට දන්වා සිටියේය. සිරිසේන මහතා වෙනුවෙන් නීතිඥ ජයමුදිතා ජයසූරිය මාත් මේ සමග නීතිඥ සම්පත් පෙරේරා මහතා පෙනී සිටියේය.

මේ අතර, අමාත්‍ය මහින්ද අමරවීර, ලසන්ත අලගියවන්න සහ පාර්ලිමේන්තු මන්ත්‍රී දුමින්ද දිසානායක යන මහත්වරු ශ්‍රී ලංකා නිදහස් පක්ෂයේ තනතුරුවලින් ඉවත් කිරීමට ගනු ලැබූ තීරණය ක්‍රියාත්මක වීම වළක්වාලමින් නිකුත් කර තිබෙන වාරණ නියෝගය මැයි මස 08 වනදා දක්වා දීර්ඝ කරන ලෙසද කොළඹ දිසා අධිකරණය අද (24) නියම කළේය.

තමන්ව ශ්‍රී ලංකා නිදහස් පක්ෂයෙන් ඉවත් කිරීමට එරෙහිව එම අමාත්‍යවරු විසින් ගොනුකළ පැමිණිලි අද කැඳවනු ලැබූ අවස්ථාවේදී කොළඹ දිසා අධිකරණය මෙම නියෝග නිකුත් කර තිබුණි.

Continue Reading

Uncategorized

නව පත්වීම් 8කට උසස් නිලතල පිළිබඳ කාරක සභා අනුමතිය

Published

on

By

නව තානාපතිවරයන් සිව්දෙනෙක්, අමාත්‍යාංශ ලේකම්වරයන් දෙදෙනෙක් සහ ආයතන සභාපතිවරයන් දෙදෙනෙක් පත් කිරීම සඳහා පසුගියදා පාර්ලිමේන්තුවේදී රැස්වූ  උසස් නිලතල පිළිබඳ කාරක සභාව අනුමතිය ලබා දී තිබේ.

ඒ අනුව වියට්නාම සමාජවාදී සමුහාණ්ඩුවේ නව ශ්‍රී ලංකා තානාපතිවරයා ලෙස ඩබ්.ඒ.යූ.පී. පෙරේරා මහතා පත් කිරීමට සහ පෝලන්ත සමුහාණ්ඩුවේ නව ශ්‍රී ලංකා තානාපතිවරිය ලෙස ටී.පී. ධර්මසේන මහත්මිය පත්කිරීමට උසස් නිලතල පිළිබඳ කාරක සභාව අනුමතිය ලබා දී තිබේ.

එමෙන්ම තායිලන්තයේ නව ශ්‍රී ලංකා තානාපතිවරිය ලෙස ඊ.ඒ.එස්.ඩබ්. එදිරිසිංහ මහත්මිය සහ මියන්මාර් මහජන සමූහාණ්ඩුවේ නව ශ්‍රී ලංකා තානාපතිවරිය ලෙස පී.ඒ.පී. පොන්නම්පෙරුම මහත්මිය පත් කිරීමටද උසස් නිලතල පිළිබඳ කාරක සභාවේ අනුමතිය හිමිවී තිබේ.

එයට අමතරව, ප්‍රවාහන හා මහාමාර්ග අමාත්‍යාංශයේ නව ලේකම්වරයා ලෙස (ඉංජිනේරු) ආර්.ජී. රූබසිංහ මහතා පත් කිරීමට සහ ධීවර අමාත්‍යංශයේ නව ලේකම්වරිය ලෙස කේ.එන්.කේ. සෝමරත්න මෙනවිය පත් කිරීමටද උසස් නිලතල පිළිබඳ කාරක සභාව අනුමතිය ලබා දී තිබේ.

තවද ශ්‍රී ලංකා ගමනාගමන මණ්ඩලයේ නව සභාපතිවරයා ලෙස එස්.එම්.ඩී.එල්.කේ ද අල්විස් මහතා පත් කිරීමට සහ ලංකා කාර්මික සංවර්ධන මණ්ඩලයේ නව සභාපතිවරයා ලෙස වෛද්‍ය සාරංග අලහප්පෙරුම මහතා පත් කිරීමටද උසස් නිලතල පිළිබඳ කාරක සභාව අනුමතිය ලබා දී තිබේ.

Continue Reading

Uncategorized

කැලණිය මහා ශිෂ්‍ය සංගමයේ කැඳවුම්කරු CID අත්අඩංගුවට

Published

on

By

කැලණිය විශ්වවිද්‍යාලයේ මහා ශිෂ්‍ය සංගමයේ කැඳවුම්කරු, කැලුම් මුදන්නායකව අපරාධ පරීක්ෂණ දෙපාර්තමේන්තුවේ මහජන පැමිණිලි අංශය මඟින් අත්අඩංගුවට ගෙන තිබේ.

ඒ පසුගිය කාලයේ විශ්වවිද්‍යාල පරිශ්‍රය තුළ සිදුවූ නවක වධය සිදුවීමක් සම්බන්ධයෙන් බව සඳහන්ය.

ඔහු කටුනායක ගුවන්තොටුපොළින් විදෙස් ගතවීමට උත්සාහ දැරීමේ දී මෙලෙස අත්අඩංගුවට පත්ව ඇති අතර, අද (26) දින ඔහුව මහර මහෙස්ත්‍රාත් අධිකරණය වෙත ඉදිරිපත් කිරීමට නියමිත බව වාර්තා වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved