දකුණු කොරියානු ජනාධිපති යුන් සුක් යෝල් ට එරෙහිව ගෙනආ දෝෂාභියෝගය තහවුරු කිරීමට ඒකමතිකව ඡන්දය ප්‍රකාශ කිරීමට එරට ආණ්ඩුක්‍රම ව්‍යවස්ථා අධිකරණය කටයුතු කර තිබේ.
ඒ අනුව දකුණු කොරියානු ජනාධිපති යුන් සුක් යෝල් ට ජනාධිපති ධුරයෙන් ඉවත්වීමට සිදුවෙන අතර දින 60 ඇතුළත නව ජනාධිපතිවරණයක් පැවැත්වීමට කටයුතු කළ යුතුව තිබේ.
එතෙක් එරට අගමැතිවරයා වැඩබලන ජනාධිපතිවරයා ලෙස කටයුතු කරනු ඇති.
2017 වසරේදී ද දකුණු කොරියාවේ මෙලෙසින්ම ජනාධිපතිවරයෙකු ඉවත් කර තිබුණු බවද විදෙස් මාධ්‍ය වාර්තා කරයි.
