Connect with us

විදෙස්

නව නීතිය නිසා දකුණු කොරියානුවන්ගේ වයස අඩුවෙයි

Published

on

දකුණු කොරියාව මෙතෙක් ක්‍රියාත්මක කළ වයස තීරණය කරන ක්‍රමවේද දෙක වෙනුවට අද (28) සිට පිළිගත් ක්‍රමවේදයට අනුගත වීමට එරට බලධාරීන් තීරණය කර තිබේ.

මේ හේතුවෙන් සියලු දකුණු කොරියානු ජාතිකයන්ගේ වයස අවුරුද්දකින් හෝ දෙකකින් අඩුවනු ඇත.

දකුණු කොරියාවේ පැවති එක් සම්ප්‍රදායික ක්‍රමයක් මගින් මව්කුසේ සිටි කාලයද ගණනය කරමින් දරුවෙකුගේ උපතේදී වයස වසරක් ලෙස සලකයි. මෙය සියවස් ගණනක් පැරණි කොරියානු වයස ගණන් කිරීමේ ක්‍රමයයි. අනෙක් ක්‍රමය යටතේ උපන් දිනය කවදා සිදුවුවවත්, එළඹෙන වසරේ ජනවාරි 01දා ට වයස වසර 1ක් ලෙස ගණනය කෙරුණි.

මෙම සාම්ප්‍රදායික ක්‍රම හේතුවෙන් රක්ෂණ ගෙවීම් සහ රජයේ ආධාර වැඩසටහන් සඳහා සුදුසුකම් නිර්ණය කිරීමේදී ගැටළු පැනනැගී තිබුණු අතර, එය අනවශ්‍ය සාමජීය හා ආර්ථික වියදම් ඇති කළ බවට එරට ජනපතිවරයා පසුගිය ජනාධිපතිවරණයට පෙර පවසා තිබුණි. මේ අනුව, කොරියානු පාර්ලිමේන්තුව විසින් මෙම ක්‍රමවේදයන් ඉවත් කිරීමට පසුගිය දෙසැම්බර් මාසයේදී ඡන්දය ලබාදී තිබුණි.

විදෙස්

පුටින් චීනයේ නිල සංචාරයක

Published

on

By

රුසියානු ජනාධිපති ව්ලැඩිමීර් පුටින් චීනයේ නිල සංචාරයක් ආරම්භ කර තිබේ.

චීන ජනපති ෂී ජින්පිං මහතාගේ ආරාධනයෙන් රුසියානු ජනාධිපතිවරයා මැයි 16-17 දින වලදී මෙලෙස නිල සංචාරයක නිරත වනු ඇත.

චීන හා රුසියානු ජනාධිපතිවරුන් විසින් ද්වීපාර්ශ්වික සබඳතා, විවිධ ක්ෂේත්‍ර වල සහයෝගීතාවය මෙන්ම පොදු අවධානයට ලක්වන ජාත්‍යන්තර සහ කලාපීය ගැටළු වැනි කරුණු ගැන සාකච්ඡා කිරීමට නියමිත බව චීනයේ විදේශ කටයුතු අමාත්‍යංශයේ ප්‍රකාශක වාං වන්බින් මහතා පවසයි.

Continue Reading

පුවත්

ඉම්රාන් ඛාන්ට ඇප

Published

on

By

සිර දඬුවම් ලබා සිටින පාකිස්තානයේ හිටපු අගමැති ඉම්රාන් ඛාන්ට එරෙහිව පවතින තවත් එක් නඩුවක් සම්බන්ධයෙන් ඔහුට ඇප නියමවී තිබේ.

ඒ ඉඩම් වංචාවක් සම්බන්ධයෙන් ඔහුට එරෙහිව එල්ල වී තිබූ චෝදනාවකට අදාළවය.

හිටපු අගමැති ඛාන් පාකිස්තානයේ අගමැතිව සිටි කාලයේ දී නීති විරෝධී උපකාර සඳහා ත්‍යාග වශයෙන් දේපොළ වෙළෙඳාම්කරුවෙකු ලබාදුන් ඉඩම් සම්බන්ධයෙන් ඔහුට චෝදනා ගොනු වී තිබුණි.

හිටපු අගමැති ඛාන් ඉස්ලාමාබාද් අධිකරණය හමුවේ ඇප ඉල්ලුම් කළේ එම චෝදනා ප්‍රතික්ෂේප කරමිනි.

පසුගිය අගෝස්තු මාසයේ සිට සිරගතව සිටින හිටපු අගමැතිවරයාට මෙලෙස ඇප නියම වුවත් තවත් නඩු දෙකකට අදාළව ඔහුට සිර දඩුවම් නියමව පවතින හෙයින් සිරගතව සිටින අගමැතිවරයාට මෙම ඇප හිමිවීම හරහා තවදුරටත් නිදහස් නොවනු ඇත.

Continue Reading

පුවත්

දැන්වීම් පුවරුවක් කඩා වැටී 14 දෙනෙකු මරුට

Published

on

By

ඉන්දියාවේ මුම්බායි නගරයේ විශාල දැන්වීම් පුවරුවක් කඩා වැටීමෙන් සිදුවූ අනතුරකින් පුද්ගලයින් 14 දෙනෙකු මියගොස් තිබේ.

ඉන්දීය මාධ්‍ය වාර්තා කලේ, මුම්බායි නගරය හරහා හමා ගිය තද සුළං තත්ත්වයත් සමග මෙම දැන්වීම් පුවරුව කඩා වැටී ඇති බවය.

එහිදී තවත් පුද්ගලයින් 60කට අධික පිරිසක් තුවාල ලබා තිබේ.

ඉන්ධන පිරවුම්හලක් අසල සවිකර තිබූ දැන්වීම් පුවරුවක් මෙසේ කඩා වැටී ඇති අතර අනතුරෙන් වාහන රැසකට ද දැඩි අලාභහානි සිදුව ඇති බව වාර්තා වේ.

අදාළ දැන්වීම් පුවරුව නීත්‍යානුකූළ අවසරයක් ලබාගෙන සවිකර ඇත්ද යන්න සම්බන්ධයෙන් විමර්ශනයක් පවත්වන ලෙස මහාරාෂ්ට ප්‍රධාන අමාත්‍යවරයා නියෝග කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved