පලනි දිගම්බරම් මහතා විසින් තලවකැලේ සංවිධාන කළ සමගි ජනබලවේගයේ මැයි රැලියට එහි නායක සජිත් ප්‍රේමදාස මහතා සමඟ එක්සත් ජාතික පක්ෂයේ හිටපු ගම්පහ දිස්ත්‍රික් නායක හා අමාත්‍ය අර්ජුන රණතුංග මහතා ද ගොඩවී ඇතැයි වාර්තා වේ.

රනිල් වික්‍රමසිංහ මහතා අනුප්‍රාප්තික ජනාධිපතිවරයා ලෙස තේරී පත්වීන් පසුව ශ්‍රි ලංකා ජාතික ක්‍රිකට් කණ්ඩාමේ හිටපු නායක අර්ජුන රණතුංග මහතා ජාතික ක්‍රීඩා කවුන්සිලයේ සභාපතිවරයා ලෙස පත්කර සිටියේය.

පසුව හරීන් ප්‍රනාන්දු මහතා ක්‍රීඩා අමාත්‍ය ධූරය භාර ගැනීමෙන් පසුව ජාතික ක්‍රීඩා සභාව සහ ජාතික ක්‍රීඩා තේරීම් කමිටුව සඳහා නව සාමාජිකයින් පත්කරමින් රණතුංග මහතා ජාතික ක්‍රීඩා කවුන්සිලයේ සභාපති ධූරයෙන් ඉවත් කරනු ලැබීය.

මොණරාගල දිස්ත්‍රික් පොදුජන පෙරමුණේ (පොහොට්ටු) මන්ත්‍රී ගයාෂාන් නවනන්ද මහතා පොහොට්ටු මැයි රැළියට සහභාගි නොවී එක්සත් ජාතික පක්ෂයේ මැයි රැළියට සම්බන්ධ වී ඇතැයි වාර්තා වේ.

ඔහු මේවන විට එක්සත් ජාතික පක්ෂයේ වැල්ලවාය ආසන සංවිධායකවරයා ලෙස ඔහු කටයුතු කරනු ලබයි.

ගයාෂාන් 2020 පාර්ලිමේන්තු මැතිවරණයේ මොණරාගල දිස්ත්‍රික්කයේ පොහොට්ටු පක්ෂයෙන් ත‍ේරුණ මන්ත්‍රීවරු පස්දෙනාගෙන් මනාප ඡන්ද 45,384 ක් ලබාගනිමින් පොහොට්ටු ලයිස්තුවේ පස්වැනියා ලෙස පාර්ලිමේන්තුවට තේරීපත්විය.

ශ්‍රී ලංකා නිදහස් පක්ෂයේ ජනාධිපතිවරණ අපේක්ෂකයා ලෙස විජයදාස රාජපක්ෂ මහතා ඉදිරිපත් වනු ඇති බව හිටපු ජනාධිපති මෛත්‍රීපාල සිරිසේන මහතා පවසයි.

ඒ මහතා මෙම අදහස් පළකළේ වෘත්තීය සමිති නායක ටී.බී. ඉලංගරත්න මහතාගේ ගුණසමරු උත්සවයට එක්වෙමිනි.

එහිදී වැඩිදුරටත් අදහස් දැක්වූ හිටපු ජනාධිපති මෛත්‍රීපාල සිරිසේන මහතා,

“විජයදාස රාජපක්ෂ මැතිතුමාට තමයි පක්ෂයේ වැඩිදෙනෙකුගේ කැමැත්ත තියෙන්නේ. මම එකගමනක් කළා. මම එක සැරයක් කරන්නේ කියලා කිව්වා. ඒ සැරේ දිවුරුම් දෙන වෙලාවේම මම කිව්වා මම ආයෙමත් තරගකරන්නේ නෑ කියලා. විජයදාස මහත්මයා තමයි ඉල්ලන්නේ, අපි සම්පූර්ණ සහාය දෙනවා. ආණ්ඩුවේ ඇමතිවරයෙක් අපි ගත්තා. දැන් එයා අපේ. ඇමතිකම ගැන දැන් කිසිම කැමැත්තක් නෑ.”

මූලාශය – අද දෙරණ