කොම්පඤ්ඤ වීදියේ පිහිටි රාත්‍රි සමාජ ශාලාවක ඇතිවූ ගැටුම සම්බන්ධයෙන් භාරවූ සැකකරුවන් 4 දෙනා අප්‍රේල් 01 දක්වා රක්ෂිත බන්ධනාගාරගත කර තිබේ.
ඒ, සැකකරුවන් අද (27) කොටුව මහෙස්ත්‍රාත් අධිකරණයට ඉදිරිපත් කිරීමෙන් අනතුරුවය.
ඊයේ (26) කොළඹ මධ්‍යම අපරාධ විමර්ශයන කාර්යාංශයට භාරවූ සැකකරුවන්ගෙන් ප්‍රකාශ සටහන් කරගැනීමෙන් පසු අත්අඩංගුවට ගත්තේය.
පසුගිය දා ඇතිවූ එම ගැටුම සම්බන්ධයෙන් ඉකුත් 25 වනදා යෝෂිත රාජපක්ෂ මහතා පැය 3කට ආසන්න කාලයක් කොම්පඤ්ඤ වීදිය පොලීසිය හමුවේ ප්‍රකාශයක් ලබාදී තිබුණි.
ගැටුමින් අදාළ ස්ථානයේ සිටි ආරක්ෂක නිලධාරියෙකු පහරකෑමට ලක්විය.
තුවාල ලැබූ ආරක්ෂක නිලධාරියා කොළඹ පෞද්ගලික රෝහලක ප්‍රතිකාර ගෙන තිබුණි.
(පෙර පුවත 2025 මාර්තු 27 පෙ.ව.8.01)
සාශාගේ නයිට් ක්ලබ් එකේ බවුන්සර්ලාට ගුටි ඇන්න හතර පොලිසියට බාරවෙයි!
යූනියන් පෙදෙස පාක් වීදියේ Octopussy Colombo රාත්‍රී සමාජ ශාලාවේ ඇතිවූ ගැටුම, සම්බන්ධයෙන් පොලිසිය සොයමින් සිටි බව කියන පුද්ගලයින් 04 දෙනෙකු කොළඹ මධ්‍යම අපරාධ විමර්ශන කොට්ඨාශය පැමිණ බාරවීමෙන් පසුව අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා පැවසීය.
අදාළ පිරිස හිටපු ජනාධිපති මහින්ද රාජපක්ෂ මහතාගේ පුත්‍රයෙකු වන යෝෂිත රාජපක්ෂ සහ ඔහුගේ බිරිඳ, පසුගිය 20 වැනිදා යූනියන් පෙදෙසේ අදාළ රාත්‍රී සමාජ ශාලාවට ගොස් තිබූ බව මාධ්‍ය වාර්තා කර තිබිණි.
ඒ තුළට ඇතුලු වීමේදී හඳුනාගැනීමේ අත් පළඳනාව පැළඳීම, රාජපක්ෂ යුවල ප්‍රතික්ෂේප කළ බව කියන සිදුවීමත් සමඟ, ඔවුන් සමග සිටි පිරිස එහි ආරක්ෂක නිලධාරියාට පහරදී ඇති බවද වාර්තා විය.
එම සිද්ධිය පිළිබඳ විමර්ශන මීට පෙර කොම්පඤ්ඤවීදිය පොලිසිය සිදු කළ අතර මේ වන විට එම විමර්ශන කොළඹ මධ්‍යම අපරාධ විමර්ශන කොට්ඨාශයට භාරදී තිබේ.
සිද්ධිය සම්බන්ධයෙන් යෝෂිත රාජපක්ෂ සහ ඔහුගේ බිරිඳගෙන් කොම්පඤ්ඤවිදිය පොලිසිය පෙරේදා (25) ප්‍රකාශ සටහන් කර ගෙන තිබිණි.
මෙම සමාජ ශාලාවේ අයිතිකාරිය යැයි කියන සාශා ජයසුන්දර නැමැත්තියගේ පැමිණිල්ලක් මත අදාළ පරීක්ෂණ සිදුකරනු ලබයි.
සබැඳි පුවත්
