පුවත්

රත්මලානෙන් හා යාපනෙන් අඩුවට රට යන්න පුලුවන්!

Published

1 year ago

January 23, 2023

editor

රත්මලාන සහ යාපනය ගුවන් තොටුපොළ මගින් පිටත්ව යන සෑම පුද්ගලයකුගෙන්ම අය කරන ‘අපගමන බද්ද’ 50%කින් අඩු කර ඇතැයි මුදල් අමාත්‍යාංශයේ බදු උපදේශිකා තනුජා පෙරේරා මහත්මිය කියා සිටී.

ඒ අනුව අදාළ ගුවන් තොටුපොළෙ මගින් පිටත්ව යන පුද්ගලයන්ගෙන් මෙතෙක් අය කරන ලද ඇමෙරිකානු ඩොලර් 60ක් වූ අපගමන බද්ද ඩොලර් 30ක් දක්වා අඩු කර ඇතැයි ඇය සඳහන් කළාය.

රත්මලාන ගුවන් තොටුපොළෙන් පිටත්ව යන අයකුගෙන් අය කරන අපගමන බද්ද ලබන මාර්තු 26 වැනිදා තෙක් බල පැවැත්වෙන පරිදි සහ යාපනය ගුවන් තොටුපොළෙන් පිටත්ව යන අයකුගෙන් අය කරන අපගමන බද්ද ලබන ජුලි 11 වැනිදා තෙක් බල පැවැත්වෙන පරිදි මෙලෙස සංශෝධනය කර තිබේ.

‘‘අපගමන බද්ද යනු අලුතින් පනවපු බද්දක් නොවෙයි. මෙම පනතට දීර්ඝ ඉතිහාසයක් තියෙනවා. 1961 වසරේ දී පමණ මෙම බද්ධ හඳුන්වා දී තිබෙනවා. 2003 වසරේ සිට මුදල් පනත හරහා අපගමන බද්ද ක්‍රියාත්මක කර තිබෙනවා. 2019 වසර වන විටත් මෙරටින් ගුවන් තොටුපොළකින් හෝ නෞකා මාර්ගයෙන් පිටව යන අයකුගෙන් ඩොලර් 60ක අපගමන බද්දක් අය කළා. 2019 එල්ල වූ පාස්කු ප්‍රහාරයෙන් සංචාරක කර්මාන්තයට එල්ල වූ බලපෑම සලකා බලා ඩොලර් 60ක් තිබූ අපගමන බද්ද ඩොලර් 50 දක්වා මාස 06කට අඩු කළා. නැවත 2020 පෙබරවාරි 01 වැනිදා සිට අපගමන බද්ද ඩොලර් 60ක් බවට පත් වුණා. එම අපගමන බද්ද රත්මලාන සහ යාපනය ගුවන් තොටුපොළ සඳහා පමණක් සංශෝධනය කරමින් මුදල් ඇමැතිවරයා වශයෙන් ජනාධිපති රනිල් වික්‍රමසිංහ විසින් ගැසට් පත්‍රයක් නිකුත් කර තිබෙනවා.’’ යැයි තනුජා පෙරේරා වැඩිදුරටත් සඳහන් කළාය.

මත්තල මහින්ද රාජපක්ෂ ගුවන් තොටුපොළ සමග මෙහෙයුම් ආරම්භ කරනු ලබන ජාත්‍යන්තර ගුවන් සමාගම් සඳහා මෙහෙයුම් ආරම්භ කරනු ලබන දින සිට වසර දෙකක කාලයක් මෙම අපගමන බද්දෙන් නිදහස් කර තිබේ.

ඒ අනුව මත්තල, රත්මලාන හෝ යාපනය ජාත්‍යන්තර ගුවන් තොටුපොළ හැර මෙරට වෙනත් ගුවන් තොටුපොළකින් හෝ නෞකා මාර්ගයෙන් පිටව යන ඕනෑම අයකු විසින් ඩොලර් 60ක අපගමන බද්දක් ගෙවිය යුතු බව ජනාධිපතිවරයාගේ ගැසට් පත්‍රයේ සඳහන් වේ.

පුවත්

මේ සතියේ කැබිනට් තීරණ මෙන්න

Published

2 hours ago

April 26, 2024

editor

ඊයේ (2024-04-25) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

CabinetDecision_S24_04_25 Download

පුවත්

සුවිශාල ඔන්ලයින් ගනුදෙනු වංචාවක්

Published

3 hours ago

April 26, 2024

editor

ජංගම ගිණුම් සහ ඉතිරි කිරීමේ ගිණුම් හරහා ඔන්ලයින් ගනුදෙනු කරන අයගේ ගිණුම් වලින් මුදල් අදින ජාවාරමක් දැනට සතියක පමණ සිට ක්‍රියාත්මක වෙමින් තිබෙන බව පොදු ජන පෙරමුණේ රත්නපුර දිස්ත්‍රික් මන්ත්‍රී ගාමිණී වලේබොඩ මහතා අද (26) පාර්ලිමේන්තුවේ දී පැවසීය.

ගිණුම් හිමියන්ගේ කිසිම දැනුවත්භාවයකින් තොරව මුදල් වෙන ගිණුම් වලට මාරු කිරීම මෙම ජාවාරම හරහා සිදු කෙරෙන බව කී වලේබොඩ මහතා තම ගිණුමෙන් මුදල් ඇදීම සම්බන්ධයෙන් අඩු ගණනේ කෙටි පඩිවිඩයක්වත් නොලැබෙන අයුරින් මේ වංචාව සිදුවන බව සඳහන් කළේය.

බලන්ගොඩ ස්වාමීන් වහන්සේ නමකගේ ගිණුමකින් ලක්ෂ එකොළහක් වෙනත් ගිණුමකට මාරු කිරීම පිළිබඳව පෙරේදා 25 වැනිදා ලැබුණු පැමිණිල්ලකට අනුව බැංකුවට ගොස් පරීක්ෂා කරන විට ඔන්ලයින් ගනුදෙනු පුහුණු කරන ආයතනයක් විසින් පුහුණු කරන ලද ගෝල බාලයන් පිරිසක් දිවයිනේ විවිධ තැන්වල සිටිමින් මේ කටයුත්ත කරන බවට තොරතුරු හෙළි වී තිබෙන්නේ යැයිද මන්ත්‍රීවරයා වැඩිදුරටත් සඳහන් කලේය.

එක් දිනයකදී ගිණුම් 50 ක් 60ක් පමණ ප්‍රමාණයකට මෙලෙස මුදල් මාරු කර විශාල වංචාවක් සිදුවෙමින් තිබෙන බවද දින දෙක තුනක් ඇතුළතදී 1000 ගේ පමණ ගිණුම් වලින් මුදල් ඇද වංචා කර තිබෙන බවට වාර්තා වන්නේ යැයිද මන්ත්‍රීවරයා පැවසීය.

මෙම වංචාව සම්බන්ධයෙන් මහ බැංකුවට මෙන්ම විදුලි සංදේශ නියාමන කොමිසමට දැනුම් දෙන ලෙස පාර්ලිමේන්තුවෙන් ඉල්ලා සිටි ගාමිණී වලේබොඩ මහතා පොලිසි වලට මෙන්ම මූල්‍ය බුද්ධි අංශවලට මේ ගැන ක්‍රියාත්මක වීමට ධාරිතාවක් නැති බව පැවසීය.

පුවත්

මත්තල ගුවන්තොටුපොළ ඉන්දියාවට – රුසියාවට

Published

3 hours ago

April 26, 2024

editor

මත්තල රාජපක්ෂ ජාත්‍යන්තර ගුවන්තොටුපළෙහි කළමනාකාරීත්වය රුසියානු සහ ඉන්දියානු සමාගම් දෙකකට බාරදීම සඳහා කැබිනට් අනුමැතිය හිමිව තිබේ.

මත්තල ජාත්‍යන්තර ගුවන් තොටුපලෙහි පහසුකම් භාවිත කිරීම සඳහා උනන්දුවක් දක්වන පාර්ශවයන්ගෙන් අභිලාෂ ප්‍රකාශ කිරීම් කැඳවීම සඳහා 2023-01-09 දින පැවති අමාත්‍ය මණ්ඩල රැස්වීමේදී අනුමැතිය ලබාදී ඇතැයි රජය පවසයි.

ඒ අනුව අභිලාෂ ප්‍රකාශ කිරීම් කැඳවා ඇති අතර ආයතන 05ක් විසින් අභිලාෂ ප්‍රකාශ කිරීම් ඉදිරිපත් කර ඇත.

අමාත්‍ය මණ්ඩලය පත්කල සාකච්ඡා සම්මුති කමිටුවේ නිර්දේශ පරිදි මත්තල රාජපක්ෂ ජාත්‍යන්තර ගුවන් තොටුපලෙහි කළමනාකරණය ඉන්දියාවේ M/s Shaurya Aeronautics (Pvt)Ltd සහ රුසියාවේ Airports of regions management company වෙත හෝ එහි බද්ධ ව්‍යවසායකයක් වෙත වසර 30ක කාල සීමාවක් සඳහා පැවරීම පිණිස වරාය නාවික හා ගුවන් සේවා අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබේ